कन्काईमा दैनिक १ सय ६० जनाले निशुःल्क व्यायामको तालिम लिने व्ययामशालाका सामाग्री जिणर्

सुरुङ्गा/
पछिल्लो समय मानीसहरु काममा धेरैनै व्यस्त हुन थालेपछि शारीरिक कसरत कम गर्न थालेका छन् । जसले गर्दा अहिलेका नयाँ पुस्तामा समेत बिभिन्न खाले दीर्घरोगहरु दखा पर्न थालेको छ । शारीरिक कसरत नभएका कारण त्यस खालका रोगहरु लाग्न थालेको थाह पाएपछि झापाको कन्काई नगरपालिकाले सुरुङ्गामा व्यायामशाला निर्माण गरिदियो ।

कन्काई नगरपालिका वडा नं ३ स्थित सुरुङ्गा बजारमा खुल्ला व्यावासशाला निर्माण भएको छ । तर यो अहिले बेबारीसे जस्तै बनेको छ ।
यहाँको कन्काई सामुदायीक वनको जमिनमा ८ कट्ठा क्षेत्रफलमा निर्माण गरीएको यो व्यायामशालामा व्यायाम गर्ने साईकल, पुस अप गर्ने, झुण्डने, तान्ने, कम्मर कसरत गराउने , पेटको, छातीको, हात खुट्टाको कसरत गर्ने लगायत १७ वटा बिभिन्न सामाग्रीहरु रहेका छन् । तर अधिकांश ती सामानहरु बिग्रेका छन् ।

छातीको कसरत गर्ने मेसिन फुटेको छ । कम्मर मर्काएर कसरत गर्ने मेसिन पनि बिग्रेको छ । स्थेपर बिग्रेको छ । जकर अर्थात पैतालाको कसरत गर्ने पनि बिग्रेको छ । भारतौलको अभाव छ । व्यायामशाला व्यवस्थापन समितीका अध्यक्ष मौसम श्रेष्ठले उज्यालो खवरसँग कुरा गर्दै भन्नु भयो ‘यस्तो अवस्थामा पनि यहाँ बिहान र बेलुका गरी १ सय ६० जनालो व्यायाम सम्बन्धीको तालीम नै लिनु हुन्छ । तर यहाँ आवश्यकीय सामाग्रीमा देखिएका खरावी र अभावले गर्दा यसको साखमा आँच आउछ कि भन्ने चिन्ता उहाँमा छ । श्रेष्ठ भन्नु हुन्छ हामीले यहाँको समस्या समाधान गरिदिन र आवश्यकता पुरा गरिदिन वडा र नगरपालिकासँग समन्वय गरीरहेका छौ । आशा गरौ यो यसको समाधान चाँडै हुने छ । ’

यहाँ व्यायामशाला निर्माण गर्न नेपाल सरकारको स्वाथ्य मन्त्रालयले ५ लाख बरबारको सामाग्री उपलब्ध गराइदिएको थियो । अनी यहाँ अन्य संरचनाहरु, घेराबारा, बन्द निषेधित स्तम्भ , फुलबारी , बगैचा, टाली, मार्वल लगाएर चिटिक्क पारिएको छ । अन्य अतिरिक्त संरचना संरचना २३ लाख रुपैँयामा नगरपालिकाले लगानी गरेको छ ।

 

नगरको लाखौ लगानी भएको र स्थानीय यूवाहरुको आकर्षणको केन्द्र बनीरहेको यो क्षेत्रमा सामाग्री जिणर् बन्न थालेपछि व्यायाम गर्न जानेहरुले पनि चिन्ता देखाएका छन् ।
यहाँ दैनिक व्यायम गर्न आउनेहरुले गत असार १० गते नै व्यायमाशाला हाताभित्रका विभिन्न अल्पकालिन र दिर्घकालिन मागहरु राख्दै नगर प्रमुख र वडाध्यक्ष समेतलाई ध्यानाकर्षण पत्र बुझाएका थीए । तर अहिले सम्म पनि मागहरुबारेमा कुनै सम्बोधन नभएको ज्ञापन पत्र बुझाउने मध्येका एक भरत शिवाकोटीले जानकारी दिनु भयो ।

 

व्यायाम गर्ने मेसिनहरु भाचिएको महिनौ भैसकेको छ, कयौ मेसिनका नट बल्टु हराएका छन्, चौबिसै घण्टा व्यायमशालाको ढोका खुल्ला भएको कारण बगैचाको चौर सहित केही बिरुवाहरुमा समेत आगजानी भएको छ भने बगैचामा लगाइएका बिरुवाहरु सिचाइको अभावमा मर्न थालेका छन् ।’ सिवाकोटीले बताउनु भयो ।

 

यता वडाध्यक्ष यूवराज चौँलगााईले व्यायामशालामा मर्मत र अन्य सुरक्षाका काम गर्न कार्यक्रम बनाइरहिएको बताउनु भयो । ‘त्यो हाम्रो गहना हो । यूवाहरुको आकर्षण भएको यसको क्षेत्रको संरक्षण गर्नुपर्छ भन्नेमा हामी चिन्तित छौ । हामी त्ययाँ चाडै काम गर्ने छौ ।’ वडाध्यक्ष चौलागाईको भनाई छ ।

स्थानियद्धारा सरसफाई

यहाँ शनिबार स्थानीय बासिन्दाहरुले सरसफाई समेत गरेका छन् । कन्काई नगरपालिका वडा नं ३ जेसिज मार्गमा रहेको गणपती किर्तन मण्डलीको अग्रसरतामा यहाँ सरसफाई गर्ने काम सम्पन्न भएको थियो । यो कार्यक्रममा दैनिक व्यायाम गर्न आउनेहरुको पनि उल्लेख्य सहभागीता रहेको थियो ।

Share:

Facebook
Twitter
Email
WhatsApp