दमक/ नाम कृष्ण आङदेम्वे । स्थाई घर पाँचथरको साविक आङसाराङ ५ मुसेटार । हाल फाल्गुनन्द गाउँपालिका वडा नं ७ । तर अहिले चाहि मलेसियाको क्वालालम्पुर स्थित कोताराया ।
सन् १९९५ सालमा मलेसिया पुग्नु भएका आङदेम्बेले त्यहाँ सुरुमा मजदुरी गर्नु भयो । पछि नेपालीहरु मलेसिया जान थालेपछि भने आफ्नै कम्पनी स्थापना गरेर व्यवसायन गर्न थाल्नु भयो ।
विदेशमा बसेर व्यवसाय गरेपनि आफ्नो खुसी र उमङ्गको पलमा चाहि उहाँलाई आफ्नै ठाउँको याद आउँछ । यस अघीपनि बिभिन्न सामाजीक काम गर्दै आउनु भएका आङ्गदेम्वेले शनिबार आफ्नो ५३ औ जन्मदिनको अवसरमा बृद्धा आश्रममा ‘मिठो भोजन’ गराउनु भयो ।
उहाँ मार्फत दमक ४ मा रहेको रत्न बृद्धा आश्रममा रहेकाहरुलाई एकछाक भएपनि मिठो भोजन कार्यक्रम सम्पनन भएको छ ।
उहाँले मलेसियामा बसेर गरेको कल्पनालाई सार्थकता दिने काम चाहि दमकमा रहेको आशाको दियो नेपाल नामक सस्थाले गर्यो ।
सस्थाका सदस्य रेवत भण्डारी भन्नु हुन्छ ‘हामीले फजुल खर्च कटाएर यस्ता सामाजीक र पुण्ड्य कर्म गर्नुपर्छ भन्ने अभियाननै चलाइरहेको छौ । सोहि अभियान अन्तर्गत मलेसियामा रहनु भएका कृष्ण आङदेम्बे पनि जोडीनु भयो र उहाँको जन्मदिनको अवसरमा बृद्धाआश्रममा खाना खुवाउने काम सम्पन्न भयो ।’
कसैको जन्मदिन होस वा वैवाहिक वर्षगाठको उत्सव । खुसी साटन् ठुला ठुला होटलमा बसेर सिमित साथीहरुसग खर्च गरेर पाइने आनन्द भन्दा यस्ता आश्रममा गएर एक छाक मिठो खाना खुवाईयो भने त्यसबाट प्राप्त हुने आनन्द त्यो भव्य पार्टि गर्दा भन्दा ज्यादा पाउन सकिन्छ । त्यसैलेपनि आश्रममा अचेल यसरी सहयोग गर्नेहरु आइनै रहनु हुन्छ । यसकी सञ्चालीका रीता सुनुवार भन्नु हुन्छ ‘हाम्रो स्थाई आम्दानीको श्रोत केहि छैन । यस्तै दाताहरुको सहयोग र सुवेच्छाबाट नै हामीले आश्रम चालाइरहेका छौ ।’
एक छाक मिठो खाना खुवाउने भन्ने कार्यक्रम भएनि आङदेम्बेले पठाउनु भएको सहयोगबाट रकम बचेको र त्यो बचेको रकमले अन्य केहि दिनलाई समेत पुग्ने गरीका रासनका सामाग्री पनि वितरण गरीएको आयोजक सस्था आशाको दियो नेपालकी सदस्य सरीता न्यौपानेले जानकारी दिनु भयो ।
एकबोरा चामल , दाल, आलु, नुन, तेल तथा अन्य खाद्य सामाग्री समेत प्रदान गरिएको उहाँले बताउनु भएको छ ।
