डेनभर, कोलोराडो, १४ असोज /
डेनभर शहरमा एक भव्य समारोहका बीच ग्लोबल नेपाली फिल्म अवार्डका अध्यक्ष तथा चर्चित नायक, निर्माता एवम् निर्देशक नवराज श्रेष्ठद्वारा हिमालयन ग्रोसरी स्टोरको उद्घाटन गरिएको छ ।
डीपी शर्मा परिवारले सञ्चालनमा ल्याएको सो ग्रोसरी स्टोर कोलोराडोको डेनभर सहरको ४४०५ चेम्बर रोडमा अवस्थित छ । सो स्टोरमा ग्रोसरी सामानहरू मात्र नभई लिकर, ग्लास पाइपसहितका सामग्री समेत उपलब्ध छ । भविष्यमा छिट्टै एक फास्ट फूड रेस्टुरेन्ट पनि सञ्चालनमा ल्याउने योजना रहेको डीपी शर्माले बताउनु भयो ।
सो अवसरमा नेपालीभाषी सहित स्थानीय समुदायको जमघट रहेको थियो ।
अमेरिकाका विभिन्न सहरमा नेपालीभाषीहरुले यसप्रकारका व्यवसाय सञ्चालन गर्दै आएका छन् ।
