अनुशीलन

काठमाडौंबाट फर्किएर आफ्नै ठाउँमा नाट्यकर्ममा तल्लिन जीवन बराल

दमक, कार्तिक ४
मोरङको पथरी शनिश्चरे २ का खडानन्द बराल नाट्य क्षेत्रमा जीवन बराल नामले चिनिनु मात्र होइन नाटक नै जीवन मानेर आफ्नो उचाई राष्ट्रियस्तरमा बढाउन सफल बन्नु भएको छ ।

 

उमेरले ४३ शिशिर वसन्त पार गर्नु भएका बराल बाल कलाकारका रुपमा ०५३ सालबाट तात्कालिन पथरी ८ स्थित प्रगतिशील मञ्चमार्फत खासगरी स्थानीय वीरेन्द्रनगर क्षेत्रमा नाटकमा अभिनय गर्न थाल्नु भयो । पछि दमकमा प्रकाश आङ्देम्बेको अगुवाईमा सञ्चालन भएको गन्तव्य थिएटरमा नाटक गर्न पुग्नुभयो । त्यहाँ नाटक सिक्दै गर्दा ०६४ सालमा घिमिरे युवराजको अगुवाईमा काठमाडौंमा सञ्चालनमा रहेको शिल्पी थिएटरमा प्रशिक्षार्थीका रुपमा छनोट हुनु भएपछि उहाँको नाट्यकलाले फक्रिने अवसर पायो । राष्ट्रिय नाचघरमा समेत ६ महिनाको तालिम लिन पाएपछि जीवनले रंगकर्म के रहेछ भनेर छर्लङ्ग बुझ्न पाउँनु भयो र त्यही क्षेत्रमा लागिरहने प्रण गर्नुभयो ।

 

त्यसपछि शिल्पी थिएटरमै रहेर नाटक उत्पादन, अभिनयसहित पछिल्लो समयमा निर्देशनकै जिम्मेबारी लिएर निरन्तर १३ वर्ष काम गर्नुभयो । नेपालका विभिन्न ठाउँ र भारतका केही ठाउँमा प्रभावकारी नाट्य प्रस्तुतिबाट दर्शकको मन जित्न सफल बन्नु भयो । विभिन्न विद्यालयहरुमा नाट्य शिक्षकका रुपमा समेत काम गर्न भ्याउनु भयो । यी सवै क्षेत्रबाट सिकेको ज्ञान र सीपलाई आफ्नै गृह क्षेत्रमा उपयोग गराएर नाट्यकर्मको प्रवद्र्धनका लागि उहाँ यसबेला तल्लिन रहनु भएको छ ।

 

पथरी शनिश्चरे फर्किएपछि ‘शब्द थिएटर’ संस्था खडा गरी त्यसको निर्देशकका रुपमा उहाँ रहनु भएको छ । अनि मोरङ र झापाका ६ वटा विद्यालयमा शिक्षकका रुपमा रंगकर्म समेत सिकाइरहनु भएको छ । उहाँकी श्रीमती सुमन कुइकेल र छोरा काव्य समेत नाट्यकर्म मै हुनुहुन्छ । चुलाचुली रंगमञ्च इलामसहितका दर्जन बढी संघ संस्थाबाट सम्मानित उहाँ नाटक गर्नुमा जत्तिको खुसी अरु केही चिजमा पनि पाउनु हुन्न ।

 

उहाँले हालसम्म कचहरी नाटकका रुपमा प्रकृति प्रेमी, जैविक धुन, अँध्यारो विरुद्ध, नारी, बिल्टु विरामी छ, के लाग्यो हल्काले, समय र हिंसा, त्रिपाल, खुशी, कोरोना, दोषी को ? मा अभिनय गर्नुभएको छ । स्टेज नाटकमा लाटो पहाड, बहुलाकाजीको सपना, चरणदास चोर, नयाँ सडकको गीत, तारतुफ, समाजका नाइके, तीन बहिनी, कोमा, माजिपा लाखे, दिक्षान्त, हारजीत, माधवी, चोःलुङ, बाह्र दुर्वासासहितमा उहाँको प्रभावकारी प्रस्तुतिले उहाँलाई नाट्य क्षेत्रमा विशेष चिनाएको छ ।

 

जेसिमा बेटा बर्सुन्, जुली, पाहुना घरकी साहुनी, अनि देउराली रुन्छ, घरभित्रको अर्को घर, बर्बरिक, डम्बरी, आनमयाँ, आमा नहुँदा एक साँझ, दन्तको डोब, बबयागा अर्थात हिँउको बाटो, जयमाया आफूमात्र लिखापानी आइपुगी, सिमेक्वा, हेच्छाकुप्पा नाटकमा उहाँले निर्देशन समेत गर्नुभएको छ । त्यसबीचमा उहाँले दयाहाङ राई मुख्य पात्रका रुपमा रहेको म्यूजिक भिडियो ‘सँगसँगै कान्छि’को निर्देशन गर्नुभयो । भोलिभोलि भन्दैमा बोलको गीतमा उहाँले अभिनय पनि गर्नुभयो ।

 

०६८ /६९ मा उहाँले पहिलो पटक टेलिश्रृंखला ‘अमिलो पिरो’ मा सहायक निर्देशक र कलाकार भएर काम गर्ने अवसर पाउँनु भयो । त्यसपछि उहाँको प्रतिभाले काँचको पर्दामा अझ फैलिँदै जाने मौका पायो । मेरी बास्सै, हिजोआजका कुरा, किलो टांगो, कथैकथाको यो संसार, एउटै आँगन, जीवनचक्र, थोरै भए पुगिसरी, सिंहदरबार २ मा अभिनयको अवसर जुर्यो ।

 

त्यसपछि उहाँको सम्भावनाले चलचित्र क्षेत्रमा पनि प्रवेश पायो । परित्याग चलचित्रमा सहायक निर्देशक भएर भित्रिएको उहाँको पाइला खग्रास, सेमिफुंगा, महानगरहुँदै प्रेमगीत ३, जिग्री, घामड शेरे र मन्सरामा लम्किन पायो । हाल छायांकनमा रहेको बलिदानमा समेत उहाँको अभिनय देख्न पाइने भएको छ । उज्यालो खबरको ‘अनुशीलन’ कार्यक्रममा उहाँसँग गरिएको कुराकानी प्रस्तुत छ ः

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

करोडौँ ठगी आरोपमा फरार बराह सहकारीका अध्यक्ष लामिछाने पक्राउ

धरान,२ मंसिर । धरानको बराह बचत तथा ऋण सहकारी संस्थाका अध्यक्ष शिवकुमार लामिछाने (विश्वकर्मा)पक्राउ पर्नु भएको छ । बचतकर्ताको बचत हिनामिना गरेर लामो समयदेखि फरार

दमकमा चलिरहेको आदिवासी जनजाती महोत्सव कस्तो? के भन्छन हेर्न जाने दर्शक ?

दमक, २ मंसीर । रातको समय । मंसीर महिना लागीसक्यो । चिसो हावा चलीरहेको थियो । त्यसमाथी रतुवा नदिको किनार । चीसोको सिरेटो नचल्ने कुरै

जन्मदिनको अवसरमा मानव सेवा आश्रममा भोजन

दमक, मंसिर २ । जन्मदिनको अवसरमा हुने फजुल खर्च कटौती गर्दै दमकमा एक परिवारले मानव सेवा आश्रममा रहेका अशक्त तथा असहायलाई भोजन गराएको छ।दमक–६ निवासी

प्रधानमन्त्री शाह र भारतीय राजदूत दलेला बीच आसन्न भारत भ्रमणबारे छलफल

काठमाडौं,२ मंसिर। प्रधानमन्त्री बालेन्द्र शाह (बालेन) सँग नेपालका लागि नवनियुक्त भारतीय राजदूत सुधाकर दलेलाले सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता गर्नु भएको छ।प्रधानमन्त्रीको आसन्न भारत

अध्यक्ष ओलीद्वारा सरकारको दमनविरुद्ध प्रतिरोधमा उत्रिन कार्यकर्तालाई निर्देशन

काठमाडौं ,२ मंसिर। नेकपा (एमाले)अध्यक्ष केपी शर्मा ओलीले सरकार एमालेप्रति निर्मम भएर उत्रिएकाले त्यसको प्रतिरोधका लागि तयार रहन अगुवा कार्यकर्ताहरुलाई निर्देशन दिनु भएको छ ।आज

एमाले विकासको नायक हो : केपी ओली

काठमाडौ २ कार्तिक । नेकपा एमालेका अध्यक्ष केपि शर्मा ओलीले नेकपा एमाले विकासको नायक रहेको बताउनु भएको छ । एमालेको राष्ट्रियभेलालाई सम्बोधन गर्दै उहाँले भन्नु

अस्ट्रेलियाको क्रिसमस टापुमा रातो गंगटाको वार्षिक बसाइँसराइ सुरु

क्रिस्मस् (आईल्याण्ड),२ मंसिर । अस्ट्रेलियाको क्रिसमस टापुमा लाखौँ रातो गंगटो (रेड क्र्याब) आफ्नो वार्षिक प्रजनन यात्राका लागि जंगलबाट समुद्रतर्फ निस्किएका छन् । वर्षायामको पहिलो वर्षासँगै