पथरी, मंसिर ३०
पथरी शनिश्चरे १ मा रहेकोे निल डेभिड हेयर एण्ड व्युटी सेलुनको आइतबार ८ औं वार्षिकोत्सव सम्पन्न भएको छ ।
पथरी उद्योग वाणिज्य संघका अध्यक्ष दीपक बस्नेत र उपाध्यक्ष रविन्द्रकुमार राई, लायन्स क्लब अफ पथरी शनिश्चरेका अध्यक्ष तथा पथरी शनिश्चरे नगरका स्वास्थ्य शाखाका प्रमुख मुरारी आचार्यले संयुक्त रुपमा उद्घाटन गर्नुभएको हो ।
वडा नम्बर १ का अध्यक्ष भीमकुमार राईले प्रमुख अतिथिको तर्फबाट ८ अंक अंकित केक काट्नु भएको थियो । सो अवसरमा वडाध्यक्ष राई र वाणिज्य संघ अध्यक्ष बस्नेतले शुभकामना मन्तव्य राख्नुभएको थियो ।
सेलुनकी संचालक मीरा बस्नेतले ८ वर्ष अघि स्थापनाकालमा २५ लाख रुपैयाँ बराबरको लागतमा महिला तथा पुरुषहरुका लागि खोलिएको सो सेलुनबाट ३ सय बढी युवा युवतीहरुलाई व्यवसायिक तालिम प्रदान गरिएको बताउनुभयो । हाल दमक, उर्लाबारी र पथरी वजारमा सेलुन खोलेर १५ जनालाई रोजगारी दिइरहेको जानकारी गराउनु भयो ।
नेपालका चर्चित हेयरस्टाइलिस्ट निल डेभिट कटुवालकोे अवधारणामा सञ्चालनमा ल्याइएको सो सेलुनका नेपालमा ४५ वटा शाखाहरू रहेका छन् भने विश्वका विभिन्न देशमा गरी ८२ वटा शाखा रहेको बस्नेतले बताउनुभयो । यहाँ महिलाहरूको व्युटी पार्लर र पुरूषहरूको हेयर कटिङ्ग दक्ष कामदारबाट हुँदै आएको छ ।
