विद्यार्थीलाई अण्डा वितरण

अण्डा व्यवसायको प्रवद्र्धन अभियान, व्यवसायिक एकतामा जोड

दमक, पुस २२
बालबालिकाको बढ्दो उमेरमा शारीरिक विकासकालागि प्रोटिनयुक्त अण्डाको सेवनको समेत महत्व हुन्छ । अण्डाको महत्व बढ्दै जानुपर्ने अवस्थामा झापामा अण्डा व्यवसायिहरुको संख्या भनें घट्दै गएको परिस्थिती छ । यसको तालमेल मिलाउन अण्डा व्यवसायीहरु कोशिसमा छन् । यसको तालमेलको प्रयासस्वरुप विद्यार्थीहरुबीच अण्डाको महत्व दर्शाउँदै अनि व्यवसायिक प्रवद्र्धनसँगसँगै गर्दै झापा जिल्ला अण्डा उत्पादक संघले यो वर्ष परेको १२ औं राष्ट्रिय पोल्ट्रि दिवस मनाएको छ ।

 

संघले सामाजिक उत्तरदायित्व अन्तर्गतका ३ वटा कार्यक्रम गर्‍यो । दमक ३ को चुलाचुली मावि दुम्से र दमक ४ स्थित जनचेतना आधारभूत विद्यालय अर्नाखाडीका विद्यार्थीलाई विद्यालयमै पुगेर अण्डाको महत्व दर्शाउँदै खाजाका रुपमा उसिनेको अण्डा वितरण गरेको छ । अनि दमक २ मा रहेको मानव सेवा आश्रममा न्यानो कपडा र खाद्य सामग्री वितरण गरेर दिवस मनाएको छ ।

 

विद्यार्थीका लागि निःशुल्क अण्डा वितरण गरेकोप्रति विद्यालयहरुले खुसी व्यक्त गर्दै पालिकाले समन्वय गरेर विद्यार्थीको दिवा खाजामा अण्डालाई समावेश गर्न पहल गर्नु आवश्यक रहेको त्यसमध्येको एक जनचेतना आधारभूत विद्यालय व्यवस्थापन समिति अध्यक्ष समुन्द्रा लामाले प्रसंग अघि सार्नुभयो ।

 

अहिले अण्डा प्रतिगोटा २० रुपैयाँ पर्छ । तर सरकारले कक्षा ५ सम्मका सामुदायिक विद्यालयका विद्यार्थीका लागि प्रति विद्यार्थी खाजा खर्च १५ रुपैयाँ मात्र छुट्याएको छ । यो हिसावले पनि खाजाका रुपमा खण्डा खुवाउने कुरामा समस्या भएको देखिन्छ । जनचेतना आधारभूत विद्यालयमा अण्डा वितरण कार्यक्रममा सहभागि दमक ९ का अध्यक्ष कुवेरप्रसाद भट्टराईले यसखाले अप्ठेरो अवस्थामा सहजता खोज्न कोशिस गर्दै जानुपर्ने उल्लेख गर्नुभयो । उहाँ भन्नुहुन्छ ‘हामीले कम्तिमा पनि खाजाको रकम २० रुपैयाँ पार्न नगरले ५ रुपैयाँ थप्ने योजनामा छलफल गर्दा १ करोड बढी रकम जाने रहेछ, त्यो व्यवस्थापन तत्काल हुन नसक्दा समस्या यथावत भइरहेको छ ।’

 

स्थानीय पालिकाले समेत समन्वय गरेर विद्यालयहरुमा हप्तामा ३ पटक खाजाका रुपमा खण्डा वितरण गर्ने नीति ल्याएमा कमजोर अवस्थाका विद्यालयका लागि संघले अण्डा समेत उपलब्ध गराउने संघका झापा अध्यक्ष भरत चम्लागाईंले कार्यक्रममा उद्घोष गर्नुभयो । अध्यक्ष चम्लागाईंले अण्डा व्यवसायीहरुलाई प्रोत्साहित गर्ने सरकारी नीति नहुँदा अण्डा उत्पादक व्यवसायीहरु पलायन हुँदै गएको जनाउँदै भारतबाट भित्रिने सेतो अण्डाले व्यवसायिक मार पारिरहेको समेत समस्या दर्शाउनु भयो ।

 

सामाजिक उत्तरदायित्वसहित पोल्ट्रि दिवस मनाउँदै संघको झापा जिल्ला समितिले आफ्‌नो पाँचौं वार्षिक साधारणसभा समेत एकसाथ सम्पन्न गरेको छ । दक्षिणी इलामको चपेटीमा आयोजित साधारणसभामा बोल्दै सुनसरीका अण्डा उत्पादक अगुवा किसान धनशेर लिम्बूले झापाको संगठित अभियानको बाटो पछ्याउँदै सबैतिर संगठित भएको अघि बढ्नुपर्ने धारणा राख्नु भयो ।

 

कार्यक्रममा झापाका अगुवा अण्डा उत्पादक माधव पराजुलीले किसानहरुबीच एकता र विश्वासमा कमि रहेकाले समस्या भएको उल्लेख गर्दै आफैंलाई सक्रिय बनाएर आफ्‌ना समस्या समाधानमा अघि बढ्नु आवश्यक रहेको चर्चा गर्नुभयो ।

 

झापामा एकसमय १ सय ५० बढी अण्डा उत्पादक फर्म रहेकोमा हाल आएर त्यो संख्या घट्दै ३५ वटाको हाराहारीमा झरेको छ । अण्डाको भाउ पाउन र तत्काल बिक्रीमा समस्या भएका कारण यो अवस्था भएको व्यवसायीले जानकारी गराएपछि मानव सेवा आश्रममा भएको कार्यक्रमका प्रमुख अतिथि दमक नगर प्रमुख रामकुमार थापाले त्यसमा आफ्‌नो ध्यानाकर्षण भएको जनाउनु भयो । उहाँले यसखाले समस्या पालिकातहले मात्रै समाधान गर्न नसकिने भएकाले माथिल्ला निकायमा पनि यसलाई पुर्‍याउन आफूले पहल गर्ने अभिव्यक्ति दिनु भयो । उहाँले भन्नुभयो ‘देशव्यापी नीति बनाएर जानु आवश्यक छ ।’

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

करोडौँ ठगी आरोपमा फरार बराह सहकारीका अध्यक्ष लामिछाने पक्राउ

धरान,२ मंसिर । धरानको बराह बचत तथा ऋण सहकारी संस्थाका अध्यक्ष शिवकुमार लामिछाने (विश्वकर्मा)पक्राउ पर्नु भएको छ । बचतकर्ताको बचत हिनामिना गरेर लामो समयदेखि फरार

दमकमा चलिरहेको आदिवासी जनजाती महोत्सव कस्तो? के भन्छन हेर्न जाने दर्शक ?

दमक, २ मंसीर । रातको समय । मंसीर महिना लागीसक्यो । चिसो हावा चलीरहेको थियो । त्यसमाथी रतुवा नदिको किनार । चीसोको सिरेटो नचल्ने कुरै

जन्मदिनको अवसरमा मानव सेवा आश्रममा भोजन

दमक, मंसिर २ । जन्मदिनको अवसरमा हुने फजुल खर्च कटौती गर्दै दमकमा एक परिवारले मानव सेवा आश्रममा रहेका अशक्त तथा असहायलाई भोजन गराएको छ।दमक–६ निवासी

प्रधानमन्त्री शाह र भारतीय राजदूत दलेला बीच आसन्न भारत भ्रमणबारे छलफल

काठमाडौं,२ मंसिर। प्रधानमन्त्री बालेन्द्र शाह (बालेन) सँग नेपालका लागि नवनियुक्त भारतीय राजदूत सुधाकर दलेलाले सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता गर्नु भएको छ।प्रधानमन्त्रीको आसन्न भारत

अध्यक्ष ओलीद्वारा सरकारको दमनविरुद्ध प्रतिरोधमा उत्रिन कार्यकर्तालाई निर्देशन

काठमाडौं ,२ मंसिर। नेकपा (एमाले)अध्यक्ष केपी शर्मा ओलीले सरकार एमालेप्रति निर्मम भएर उत्रिएकाले त्यसको प्रतिरोधका लागि तयार रहन अगुवा कार्यकर्ताहरुलाई निर्देशन दिनु भएको छ ।आज

एमाले विकासको नायक हो : केपी ओली

काठमाडौ २ कार्तिक । नेकपा एमालेका अध्यक्ष केपि शर्मा ओलीले नेकपा एमाले विकासको नायक रहेको बताउनु भएको छ । एमालेको राष्ट्रियभेलालाई सम्बोधन गर्दै उहाँले भन्नु

अस्ट्रेलियाको क्रिसमस टापुमा रातो गंगटाको वार्षिक बसाइँसराइ सुरु

क्रिस्मस् (आईल्याण्ड),२ मंसिर । अस्ट्रेलियाको क्रिसमस टापुमा लाखौँ रातो गंगटो (रेड क्र्याब) आफ्नो वार्षिक प्रजनन यात्राका लागि जंगलबाट समुद्रतर्फ निस्किएका छन् । वर्षायामको पहिलो वर्षासँगै