पथरी, माघ ५
मोरङको सुन्दरहरैचा ८ सलकपुरमा मध्य रातमा हात्तीको आक्रमणबाट एकजना ज्येष्ठ नागरिकको ज्यान गएको छ ।
मृत्यु हुनेमा अन्दाजी ७२ वर्षीय हरि घिमिरे रहेको इलाका प्रहरी कार्यालय वेलबारी प्रहरीले जनाएको छ ।
स्थानीय विन्दुप्रसाद गुरागाईको घरमा खेती गरेर बस्ने घिमिरेलाई शुक्रबार राति घर अगाडिनैं हात्तीले कुल्चिएर ज्यान लिएको पारिवारिक स्रोतले जानकारी दिएको छ ।
यो घटनाले सलकपुर क्षेत्रका स्थानीयवासीहरूमा त्रास छाएको छ। हात्तीको आतंक रोक्न सम्बन्धित निकायले तत्काल पहल गर्नुपर्ने आवाज स्थानीयहरूले उठाएका छन्।
