पथरी, माघ २८
उत्तरपूर्वी मोरङको विकासको गतिमा प्रगति हाँसिल गर्दै गरेको पथरी शनिश्चरे नगरपालिकाको सेवा प्रवाह तथा योजनासहितका विषयमा सार्वजानिक सुुनुवाई कार्यक्रम सम्पन्न भएको छ ।
नगरपालिकाको आयोजनामा वडा नम्बर ५ र ६ को पायक पर्ने स्थान हसन्दह बजारमा आयोजना गरिएको सार्वजानिक सुनुवाई कार्यक्रममा विशेषतः नगरको विकास निर्माण, स्वास्थ्य, शिक्षा र कृषिसँग सम्वन्धित सवालहरु उठेका थिए ।
नगर प्रमुख मोहनप्रसाद तुम्वापोको अध्यक्षतामा भएको सो कार्यक्रममा नगरवासीको उल्लेख्य मात्रामा उपस्थिति रहेको थियो । इङ्घम मिडिया प्रा.लि.को सहकार्यमा भएको सो कार्यक्रममा उठेका सवालहरुमा नगर प्रमुख मोहनप्रसाद तुम्वापो, प्रमुख प्रशासकीय अधिकृत शशि राई र स्वास्थ्य शाखा प्रमुख मुरारी आचार्यले जवाफ दिनुभएको थियो । प्रमुख प्रशासकीय अधिकृत राईले सुझावका रुपमा आएका शव वाहनमा स्टेचर, हसन्दह बजारमा लाइट, डस्बिन, विपन्नको फुसको छानो हटाउने अभियान तुरुन्त गरिने प्रतिवद्धता जाहेर गर्नुभयो ।
यसैगरी नगर प्रमुख तुम्वापोले नगरपालिकामा सम्पन्न भएका र हुन बाँकी विकास योजनाहरुलाई ताकेता गरिरहेको बताउनुहुँदै अधुरा कामहरु छिट्टै पूरा गर्ने उल्लेख गरेर समग्र नगरका विषयमा आफू गम्भिर भएर लागिपरेको सुनाउनुभयो ।
कार्यक्रम नगर उप–प्रमुख देवीमाया काफ्ले, वडा नम्बर १ का अध्यक्ष भीम राई, २ का अध्यक्ष नैना राई, ४ का अध्यक्ष लोकनाथ न्यौपाने, ५ का अध्यक्ष चेतेन्द्र खड्का, ३ का कार्यवाहक अध्यक्ष चन्द्रप्रकाश चेम्जोङ, ६ का कार्यवाहक अध्यक्ष विष्णुकुमार लिम्बूसहितका जनप्रतिनिधि, नगरपालिकाका शाखा प्रमुखहरु, राजनीतिक दलका प्रतिनिधिहरु, शिक्षक बिुद्धिजिवीहरु र पत्रकारहरुको उपस्थिति रहेको थियो ।
