पथरी, चैत ६
पथरी शनिश्चरे नगरपालिकाको हसन्दह क्षेत्रमा पर्ने ६ नम्बर वडामा हिँउदे मकै खेती क्षेत्र विस्तार गर्दै अनुदान अन्तर्गत कृषि यन्त्र उपकरण प्रदान प्रदान गरिने भएको छ ।
यसक्रममा उप–प्रमुख एवं अनुगमन समितिको संयोजक देवीमाया काफ्लेको संयोजकत्वमा हिउँदे मकै खेती क्षेत्र विस्तार विशेष अनुदान र ५०% अनुदानमा कृषि यन्त्र उपकरण वितरण कार्यक्रमको अनुगमन गरिएको छ ।
कृषि विकास शाखामा मकै रोप्नका लागि कृषि शाखाबाट अनुदान रकम प्राप्त गर्नका लागि निवेदन पेश गरेका कृषकहरुको हिउँदे मकै खेती क्षेत्र विस्तार र ५०% अनुदानमा कृषि यन्त्र उपकरण वितरणको लागि अनुगमन गरिएको हो ।
उन्नत जातको मकै रोप्ने किसानहरुलाई आर्थिक सहयोगसँगै व्यवस्थित पशुपालन, कृषि गर्नुहुने कृषकहरुलाई च्याप कटर, मिनी ट्रिलर, कम्बाईन मिल, मकै रोप्ने मेसिन नगरपालिकाद्वारा वितरणका लागि परेको निवेदनका आधारमा संयोजक काफ्ले सहित वडा नम्बर ८ का वडाध्यक्ष तथा आर्थिक विकास समितिका संयोजक उद्धवराज बस्नेत, नगरका योजना शाखा प्रमुख एवम् सूचना अधिकारी शिवकुमार राई, ६ का वडा सदस्य विष्णुकुमार लिम्बु, नगरका कर्मचारी टीका राई लगायतको उपस्थितिमा अनुगमन गरिएको थियो ।
