दमक, चैत ७
झापाको दमक नगरपालिका वडा नम्बर १ ले युवाहरुकालागि प्रविधिसँग जोडिएको ड्राइभिङ तालिम अघि बढाएपछि युवाहरु उत्साहित बनेका छन् ।
३० दिने तालिमको अवधिमा सहभागि २९ जनामध्ये ८ जनाले त ड्राइभिङ लाइसेन्स बनाइसकेका छन् । तालिम बिहिबार सम्पन्न भएको छ । सो सन्दर्भमा बोल्दै वडाअध्यक्ष हरिप्रसाद न्यौपानेले तालिमलाई स्वदेशमै उपयोग गरेर आयआर्जन गर्नकालागि वडाले यसखाले कार्यक्रम बनाएको जनाउनु भयो ।
कार्यक्रममा वडा सदस्य रघुवीर बुढाथोकीले पनि तालिमको भरपुर सदुपयोग गर्न अनुरोध गर्दै शुभकामना व्यक्त गर्नुभयो ।
तालिम प्रदान गर्ने प्राविधिक संस्था दमक ड्राइभिङ ट्रेनिङ सेन्टर तथा पाथीभरा कुलिनरी आर्टका सञ्चालक धनबहादुर सुब्बाले तालिमलाई सकभर स्वदेशमै सदुपयोग गरेर रोजगार बन्न उत्प्रेरित गर्नुभयो ।
तालिममा सहभागिहरु क्षितिज न्यौपाने, वन्दना निरौलासहितले पनि सिकाइले उपलब्धी हाँसिल गर्ने आशा व्यक्त गर्नुभएको छ ।
तालिम समापनका अवसरमा सहभागिलाई प्रमाणपत्र वितरण गरिएको छ । तालिममा वडा कार्यालयको २ लाख ५० हजार रुपैयाँ बजेट छुट्याइएको थियो ।
https://www.facebook.com/share/v/16CiQm5fHJ/
