दमक, चैत्र २१- झापाको दमक–९ मा खडग भण्डारीले साउथ किङ रेष्टुरेण्ट सञ्चालनमा ल्याउनुभएको छ । ४० लाख रुपैँया लगानीमा सुरु भएको यो रेष्टुरेण्टको बिहीबार उद्घाटन गरिएको छ ।
सामान्य परिवारबाट संघर्ष गर्दै आफ्नो मिहनत र परिश्रमबाट आर्जित रकमलाई पुजीमा परिणत गरी उहाँले यो रेष्टुरेण्ट खोलेको प्रतिकृया दिनुभएको छ । ‘अहिले सबै यूवाहरु विदेश जाने र उतै पलायन हुने ट्रेण्ड’ बढे पनि भण्डारीले भने यही सम्भावना देखेर पारिवारिक खाना तथा खाजा खाने रेष्टुरेण्ट खोलेको बताउनुभयो ।
दमक ९ सरस्वती माध्यमिक विद्यालय इटाभट्टाबाट दक्षिणातर्फ अमर चोकमा बिहीबारबाट सञ्चालनमा आएको यो रेष्टुरेण्टको दमक उद्योग वाणिज्य सघंका बरिष्ट उपाध्यक्ष राजु खड्काले उद्घाटन गर्नुभयो ।
उद्घाटनपछि बोल्दै खड्काले भन्नुभयो –अहिलेको विषम परस्थितिमा समेत हिम्मत गरेर र सम्भावना देखेर खोलिएकाे यो रेष्टुरेण्टले सबैलाई फरक स्वाद दिएर सफलता पाउन सकोस्र ।
आकर्षक साजसजावटसहित शान्त र पारिवारीक वातावरण रहेको यो रेष्टुरेण्टले खासगरी नेपाली स्वादका सामान्य परिकारहरु बेच्ने जनाएको छ ।
