अर्घाखाँची, २७ चैत / प्रधानमन्त्री केपी शर्मा ओलीले अर्घाखाँचीमा पर्ने ऐतिहासिक महर्षि पाणिनि तपोभूमिलाई धार्मिक र पर्यटकीय क्षेत्रका रुपमा विकास गर्न सरकारले ध्यान दिने बताउनु भएको छ ।
अर्घाखाँचीको पाणिनि गाउँपालिकामा आयोजित ऐतिहासिक पाणिनि तपोभूमि सम्मेलनको बुधबार उद्घाटन गर्दै प्रधानमन्त्री ओलीले पाणिनी क्षेत्रको श्रद्धा र सम्मान गर्दै सो स्थललाई विकास गर्न सरकारले ध्यान दिने बताउनुभएको हो ।
विश्वको प्राचीन संस्कृत भाषा व्याकरणको उत्पत्ति भएको ऐतिहासिक पुण्य र तपोभूमि पाणिनिलाई विश्वसामु चिनाउन ‘पाणिनि तपोभूमि सम्मेलन आयोजना गरिएको हो ।
कार्यक्रम लुम्बिनी प्रदेशको उद्योग, पर्यटन तथा यातायात मन्त्रालय, पर्यटन विकास परिषद् तथा पाणिनि गाउँपालिका र रैनादेवी छहरा गाउँपालिकाको आयोजनामा सो सम्मेलन दुई दिनसम्म चल्नेछ । सम्मेलनमा संस्कृत भाषाका विद्वान्, धर्मगुरु, शोधकर्ता, नीति–निर्मातालगायतको उपस्थिति रहेको छ ।
