काठमाडौं, २८ चैत / हङकङमा सञ्चालित चारदेशीय टी–२० आई सिरिज क्रिकेटमा नेपालले कुवेतलाई ६ विकेटले पराजित गर्दै लगातार दोस्रो जित निकालेको छ ।
जसमा नेपालका अलराण्डर दीपेन्द्रसिंह ऐरीले नयाँ किर्तिमान समेत कायम गर्नुभएको छ । ऐरीले करियरमा सबैभन्दा धेरै इनिङ शुन्यमा आउट नभइकन अर्थात् बिना डक धेरै इनिङ्स खेल्दै उक्त कीर्तिमान बनाएका बनाउनु भएको हो ।
बिहीबार बिहान कुवेतविरुद्धको खेलमा ओपनरद्वय कुशल भुर्तेल र आशिफ शेखको शानदार अर्धशतकमा नेपाल विजयी भएको हो ।
कुवेतले नेपाललाई दिएको १८६ रनको लक्ष्य पछ्याउने क्रममा विष्फोटक ब्याटिङ गरेका कुशलले २६ बलमा पाँच चौका र चार छक्काको मद्दतमा अर्धशतक पूरा गर्नुभयो । आशिफ शेखले ३४ बलमा दुई चौका र चार छक्काको मद्दतमा अर्धशतक पूरा गर्नुभयो भनें कुशलले ५० बलमा ६ चौका र ६ छक्काको मद्दतमा ८१ रन बनाउनु भयो । आशिफले ३८ बलमा चार छक्का र दुई चौकाको मद्दतमा ५३ रन जोड्नु भयो ।
नेपालका लागि अलराउन्डर दीपेन्द्र सिंह ऐरीले १२ बलमा दुई चौका र तीन छक्काको मद्दतमा ३१ रन बनाउन सफल हुनुभयो । कप्तान रोहित पौडेल ४ र गुल्सन झा ९ रनमा नटआउट रहेर प्रतिष्पर्धामा अघि बढ्नु भयो । १८६ रनको लक्ष्य पछ्याएको नेपालले १८.५ ओभरमा चार विकेट गुमाएर लक्ष्य पूरा गरेको हो ।
टस जितेर सुरुमा फिल्डिङ रोजेको नेपालका बलरविरुद्ध कुवेतले सुरुको पाँच ओभर आक्रामक ब्याटिङ गरेको थियो ।
