दमक, २८ चैत / गत चैत १५ गते राजावादीको नाममा भएको हिंसात्मक प्रदर्शनका मुख्य नाइके दुर्गा प्रसाईंलाई प्रहरीले भारतमा पक्राउ गरेको छ ।
प्रहरी स्रोतका अनुसार प्रसाईंलाई भारतको असम राज्यबाट पक्राउ गरिएको हो । प्रसाईंलाई पक्राउ गरेर प्रहरीको टोलीले नेपाल ल्याउँदैछ ।
तीनकुने घटनामा प्रहरीलाई नै गाडीले पेलेर अघि बढेका प्रसाईं केहीबेरपछि सम्पर्कविहीन बन्नु भएको थियो । सो घटनामा एकजना पत्रकारसहित २ जनाको ज्यान गएको थियो । हिंसात्मक गतिविधिमा आगजनी, तोडफोड र लुटपाटका घटना भएका थिए ।
सामाजिक सञ्जालमा प्रसाईंको तर्फबाट सन्देशहरु आइरहँदा समेत प्रहरीले ट्र्याक गर्न नसकेको भनेर आलोचना पनि भएको थियो ।
