काठमाडौँ — सुनको मूल्य फेरि उकालो लाग्न थालेको छ । ठीक एक साताअघि गत बुधबार प्रतितोला ९४ हजार ४ सय रुपैयाँसम्म पुगेको सुन ५ दिनसम्म लगातातार घटेको थियो । ५ दिनसम्म तोलामा २६ सय घटेर सोमबार ९१ हजार ८ सय रुपैयाँ कायम भएको थियो ।
हिजो मंगलबार तोलामा १ सयले बढेको सुन बुधबार थप ३ सयले बढेको छ । आज प्रतितोला ९२ हजार २ सय रुपैयाँमा सुनको कारोबार भएको नेपाल सुनचाँदी व्यवसायी महासंघले जनाएको छ ।
चाँदीको मूल्य पनि उकालो लागेको छ । आज तोलामा १५ रुपैयाँले चाँदी बढेर १ हजार २५५ कायम भएको छ । गत बुधबार १३ सय पुगेको चाँदी घटेर हिजो मंगलबार १२४० सम्म झरेको थियो ।
