दमक, ३० चैत / नेकपा एमालेका स्थाई कमिटी स्थाई कमिटी सदस्य तथा कोशी प्रदेशका मुख्यमन्त्री हिकमत कुमार कार्कीले वर्तमान सरकार ८४ सालको निर्वाचन पछिपनि निरन्तर चल्ने बताउनु भएको छ ।
नेकपा एमाले कोशी प्रदेश कमिटीले दमकमा आयोजना गरेको बृहत् जनजागरण सभालाई सम्बोधन गर्दै नेता कार्कीले वर्तमान गठबन्धन र साझेदार दलहरुले देश र जनताको हितमा काम गरेको दावी गर्दै यो सरकार निरन्तर रहने बताउनु भएको हो ।
उहाके सरकारको नेतृत्वमा रहेको दलको भिजन र मिसन देशमा बिकास र समृद्धि ल्याउने रहेकोले जनताले यस्तै सरकार रहोस भन्ने चाहेको बताउदै उहाले सरकारले गरेका कामको फेहरिस्त समेत सुनाउनु भयो ।
“तथ्यांक केलाउदा हेरौ हिजो(राजतन्त्र )का बेला कति सडक बनेको थियो? कति बिद्यालय थिए? अहिले कति बनेका छन तथ्यमा हेरौ र विश्लेषण गरौ ।” उहाले बताउनु भयो ।
प्रतिगामी चलखेल र गणतन्त्र बिरोधि हर्कतको भन्डाफोर गरौ संघीय लोकतान्त्रिक गणतन्त्रको पक्षमा जनमत सिर्जना गरौ भन्ने नारा सहित एमालेले दमकमा जनजागरण सभा गरि रहेको छ ।
यसको मुख्य बक्ता पार्टी अध्यक्ष तथा प्रधानमन्त्री केपी शर्मा ओली रहनु भएको छ ।
