दमक, १ बैशाख / झापाको दमक ६ मा गुणस्तरीय शिक्षामा जोड दिँदै आएको ग्लोबल एजुकेशनल एकाडेमीले एक भव्य कार्यक्रमकाबीच कक्षा १२ का परीक्षार्थीलाई बिदाई गरेको छ ।
दमक नगर शिक्षा अधिकृत सोम गुरागाईंको विशिष्ट आतिथ्यतामा सम्पन्न कार्यक्रममा यही बैशाख ११ गतेबाट सञ्चालन हुने कक्षा १२ को परीक्षामा सामेल हुन तयार सो विद्यालयका ७ सय विद्यार्थीलाई सफलताको शुभकामनासहित बिदाई गरिएको छ ।
सो अवसरमा विद्यालयको कक्षागत तथा आन्तरिक उत्कृष्ठ, हिसानसहितका प्रतियोगितामा उत्कृष्ठ हुने विद्यार्थीहरुलाई नगदसहितका पुरस्कारले पुरस्कृत गरिएको विद्यालयका प्रिन्सिपल गुणराज अधिकारीले जनाउनु भयो । खेलकुद तथा अतिरिक्त क्रियाकलापमा भनें ‘ग्लोबल आइकन’ उपाधिबाट पुरस्कृत गरिएको उहाँले उल्लेख गर्नुभयो ।
विद्यालय अध्यक्ष इन्दिरा बस्नेतको अध्यक्षताको कार्यक्रममा शिक्षक शंकर गौतमसहितले मन्तव्य व्यक्त गर्नुभएको थियो । विद्यार्थीहरुले विभिन्न साँस्कृतिक कार्यक्रम समेत प्रस्तुत गरेका थिए ।
