बिर्तामोड, ५ बैशाख / झापाको बिर्तामोड ७ मा रहेको सुन्दर निचाझोडा गोलधाप सामुदायिक वनको निर्वाचनमा दलबाट खुलेर उम्मेदवार बन्ने काम भयो । जसमा चारदलीय गठबन्धनको प्यानल निर्वाचित भएको छ ।
नेकपा एमालेको प्यानललाई पराजित गरी नेपाली कांग्रेस, नेकपा माओवादी केन्द्र, राष्ट्रिय प्रजातन्त्र पार्टी र राष्ट्रिय स्वतन्त्र पार्टीको गठबन्धन निर्वाचित भएको हो । एमालेका उम्मेद्वार सूर्यबहादुर भट्टराईलाई २३१ मतको फराकिलो अन्तरले पराजित गरी गठबन्धनका तर्फबाट अध्यक्षका उम्मेद्वार कृष्णप्रसाद लिम्बू निर्वाचित बन्नु भएको छ । लिम्बूले ४८४ मत ल्याउँदा भट्टराईले मात्र २५३ मत प्राप्त गर्नुभएको थियो । अघिल्लो कार्यकाल एमालेका उम्मेदवार अध्यक्षमा निर्वाचित भएका थिए ।
त्यस्तै, गठबन्धनका तर्फबाट उपाध्यक्षमा मंगलसिंह साँवा, सचिव इन्दिरा अधिकारी बाँसकोटा, सहसचिव जीवन कार्की र कोषाध्यक्षमा इश्वरादेवी भट्टराईले विजय हासिल गर्नुभएको छ । महिला सदस्यमा शान्ता उप्रेती, मञ्जु कट्टेल उप्रेती, जनजातितर्फ बुद्धराज लिम्बू, दलिततर्फ सावित्रा कार्की र आदिवासीतर्फ मनमाया हस्ता विजयी बन्नु भयो ।
