Search
Close this search box.
"राष्ट्रयि खेलकुद"

राष्ट्रयि खेलकुद परषिद्को बैठक बोलाउन माग

 

 

काठमाडाैँ । राष्ट्रिय खेलकुद परिषद् (राखेप) का बोर्ड सदस्यहरूले परिषद्को बोर्ड बैठक बोलाउन माग गरेका छन् ।

राखेपका १३ सदस्यहरूले युवा तथा खेलकुद मन्त्री महेश्वर गहतराजलाई पत्र लेख्दै बोर्ड बैठक बोलाउन माग गरेका हुन् ।

उनीहरूले परिषद्को बोर्ड बैठक बोलाउन माग गर्दै मन्त्रालयमा पत्र दर्ता गराएका छन् । यस अघि परिषद्को बोर्ड बैठक २०७८ असार २९ गतेका लागि निर्धारण गरिएको थियो । तर, मन्त्रिपरिषदमा फेरबदल भएपछि बोर्ड बैठक बस्न सकेको थिएन । बोर्डका सदस्य एकेन्द्र कुँवरले राखेपमा देखिएको अन्यौलतालाई अन्त्य गर्न बोर्ड बैठक बोलाउन माग गरिएको बताए । उनले राखेपमा निकास दिन खेलकुदमन्त्रीले भूमिका निर्वाह गर्ने विश्वास गरे ।

७ महिना बितिसक्दा पनि परिषद्को बैठक बस्न नसकेकाले राष्ट्रिय खेलकुद विकास ऐन २०७७ को दफा १० को उपदफा ४ बमोजिम परिषद्को बैठक बोलाउन संयुक्त रूपमा अनुरोध गरिएको पत्रमा उल्लेख छ ।

 

Share:

Facebook
Twitter
Email
WhatsApp