पथरी, २५ बैशाख / दोस्रो पथरी शनिश्चरे नगर खेलकुद महोसत्व–२०८२ अन्तर्गत नगर स्तरीय अन्तर क्लब फुटबल प्रतियोगिताको आज देवीगञ्ज एफसी र पुलचोक एफसीबीच हुने भएको छ ।
हिजोको खेलमा प्रभात सामुदायिक एफसीले निक्कै दर्विलो टिम सिरिजंगा एफसीलाई टाइब्रेकरमा पराजित गरेको थियो । पहिलो हाफको १३ औं मिनेटमा प्रभातका हर्षित कार्कीले सिरिजंगाको गोलरक्षकको गल्तिको फाइदा उठाउँदै गोल गर्नुभएको थियो । यस्तै, पहिलो हाफको अतिरिक्त समयमा सिरिजंगाले पाएको पेनाल्टीलाई जुनियर साँवाले गोलमा परिणत गर्दै खेल बराबरीमा ल्याउने अवसर मिल्यो । त्यसपश्चात् खेल टाइब्रेकरमा धकेलिएको थियो ।
टाइब्रेकरमा प्रभात एफसीले सिरीजंगालाई ३–२ गोल अन्तरले पराजित गरेको हो । खेलको म्यान अफ द म्याच सिरिजंगाका विशाल चौधरी घोषित बन्नुभयो । चौधरीलाई नगरका लेखा शाखा प्रमुख एवं निमित्त प्रमुख प्रशासकीय अधिकृत पीताम्बर वस्तीले नगद २ हजार रूपैयाँ सहित मेडल तथा ट्रफी प्रदान गर्नुभएको थियो ।
