पथरी, ३० बैशाख / दोस्रो पथरी शनिश्चरे नगर खेलकुद महोत्सवमा भारोत्तोलन प्रतियोगिता सम्पन्न भएको छ ।
वडा नम्बर १ मा अवस्थित प्रस्तावित पथरी रंगशालामा आयोजित प्रतियोगितामा ५० केजी तौल समूहमा सन्देश राई पहिलो, विक्रम माझी दोस्रो र कृष्ण श्रेष्ठ तेस्रो बन्नुभयो । ६० केजी तौल समूहमा जीवन राई पहिलो, विशाल दियाली दोस्रो, प्रशान्त प्रधान तेस्रो, ७० केजी तौल समूहमा जितन राई पहिलो, लोकबहादुर तामाङ दोस्रो, आशिष लिङ्थेप तेस्रो हुनुभयो । ८० केजी तौल समूहमा विशाल वर्देवा पहिलो, कृष्ण थापा दोस्रो र अशोक राईले तेस्रो स्थान हाँसिल गर्नुभयो ।
चारै तौल समूहका विजेताहरुलाई खेलकुद महोत्सवको समापन कार्यक्रममा पुरस्कार वितरण गरिने आयोजकका सदस्य सचिव नविन खुलालले जानकारी दिनुभयो ।
