उर्लाबारी, ९ असार / मोरङस्थित उर्लाबारी नगरपालिकाका माध्यमिक विद्यालयमा अध्ययनरत विद्यार्थीहरूबीच भएको कविता लेखन प्रतिष्पर्धाबीच पशुपति आमाविकी तृप्ति भण्डारी ‘राधिका पोएट आइडल’ बन्नु भएको छ ।
नगरका विद्यार्थीहरुको सिर्जनशीलतालाई पर्गेल्न, तिखार्न र निखार्नका लागि राधिका माध्यमिक विद्यालयको राधिका बालक्लवको आयोजना र विद्यालयको संयोजनमा ‘राधिका पोएट आइडल’ को सोमबार फाइनल चरण सम्पन्न भएको हो ।
सहभागी ४८ जना विद्यार्थीहरूबाट विभिन्न चरण पार गर्दै राधिका माविका किस्मत बास्तोला द्वितीय र राधिका माविकै प्रतीक थुलुङ राई तृतीय बन्नु भएको निर्णायकमध्येका साहित्यकार कृष्ण उदासीले जनाउनु भयो । आइडलमा उदासीकासाथै सुमन राई र मुना आत्रेय निर्णायकका रुपमा रहनु भएको थियो । उत्कृष्ठ १० बाट फाइनल चरणमा पुगेर आइडल बनेकासहित उत्कृष्ठ तीनलाई पुरस्कार प्रदान गरिएको छ ।
