दमक, असार १६ । दमक नगरपालिकाले स्थानीय पाठ्यक्रम तथा पाठ्य पुस्तक सार्वजनक गरेको छ । आज एक औपचारीक कार्यक्रमको आयोजना गरि नगरपालिकाले कक्षा १ र २ को पाठ्यपुस्तक सार्वजनीक गरेको हो भने कक्षा १ देखी ९ सम्मको पाठ्यक्रम सावर्जनीक गरेको हो । नगर प्रमुख राम थापा, शिक्षा समिती अध्यक्ष कुवेर भट्टराई र पाठ्यक्रम तथा पाठ्पुस्तक निर्माण समितीका संयोजक कृष्ण भण्डारीले पुस्तकहरुको संयूक्त सार्वजनीक गर्नु भएको हो । यसले दमकको शैक्षिक क्षेत्रको विकासमा नयाँ फड्को मारेको सार्वजनीक पछि बोल्दै नगर प्रमुख थापाले बताउनु भयो । सो क्रममा उहाँले दमकको शिक्षा विकास र सुधार गर्नकालागी नगरको मात्रै प्रयास र योजनामा साध्य नहुने भन्दै संघीय सरकारले दिने भनीएको बजेट समेत नदिदा काम गर्न कठीनाई भएको बताउनु भयो । ३ करोड दिने भनिएको बजेटमा यो पटक एक करोड पनि नदिदा शिक्षामा चाहे जस्तो काम गर्न नसकीएको उल्लेख गर्नुभयो ।
स्थानीय श्रोत, साधन, भाषा, संस्कार, संस्कृती, रहनसहन र नगरका ऐतिहाँसिक तथा राष्ट्रिय स्तरमा योगदान गरेका व्यक्तित्वको जीवनी समेत यी पुस्तकमा समेटिएको समितीका संयोजक भण्डारीको भनाई छ । यसभन्दा अघी प्रकाशनमा रहेका पुस्तकहरुले भुगोल र माटो सुहाउने पाठ्य सामाग्री नभएको भन्दै संविधानले नै स्थानीय भुगोल चिनाउने पाठ्य पुस्तक र पाठ्यक्रम निर्माणकालागी दिएको अधिकार बमोजीम दमकमा पनि तयार गरिएको भण्डारीले बताउनु भयो ।
यही शैक्षिक सत्रदेखी दमकमा निजी तथा सामुदायीक विद्यालयमा यी पुस्तकहरु पठन पाठनकालागी पठाइने नगरको शिक्षा शाखाका शिक्षा अधिकृत सोम गुरागाईले जानकारी दिनुभयो ।
