दमक, असार १६ । बाल अधिकारलाई स्थानीय शासनको मूलधारमा ल्याउने उद्देश्यसहित दमक नगरपालिका अब पूर्ण बालमैत्री नगर बन्ने लक्ष्यमा अघि बढेको छ। आउँदो आर्थिक वर्ष २०८३ लाई बालमैत्री नगर घोषणा गर्ने तयारीमा जुटेको दमकले वडास्तरमा सूचकहरू पूरा गर्दै घोषणाको अन्तिम चरणमा रहेका छन् ।
दमक नगरपालिकाले आर्थिक वर्ष २०८३ लाई बालमैत्री नगरको रूपमा घोषणा गर्ने तयारी गरिरहेको छ। बाल अधिकार सुनिश्चित गर्ने उद्देश्यले नगरले आवश्यक प्रक्रिया अघि बढाएको हो। यसअघि नै दमक नगरपालिका–५ बालमैत्री वडा घोषणा भइसकेको छ भने वडा नम्बर १ र २ पनि यसै आर्थिक वर्षको अन्त्यसम्ममा बालमैत्री वडा घोषणा गर्ने लक्ष्यसहित त्यसको अन्तिम चरणमा रहेका छन् । सोक्रममा जिल्ला अनुगमन समिती झापाका प्रमुख जिल्ला समन्वय समितीका प्रमुख बिश्वनाथ बराल, उप— प्रमुख शान्ता रोक्का क्षेत्री लगायतको टोलीले बालमैत्री वडा उन्मुख सुचक प्राप्तिको अनुगमन अन्तरक्रिया र सर्बेक्षण गरेको छ ।
दमक नगरपालिकाको हलमा भएको अन्तरक्रिया कार्याक्रममा अनुगमन समिती सहित दमक नगरपालिकाका नगर प्रमुख उपप्रमुख, बिद्यालयका बालबालिका, शिक्षक, सुरक्षा निकायका प्रमुख, पत्रकार, बालक्लबका प्रतिनिधीहरुको उपस्थिती रहेको थियो । कायक्रममा बालमैत्री शासन घोषणा समिती सदस्य शेषकुमार निरौलाले दीपिनी आधारभुत बिद्यालयका प्रधानाध्यपक शेषकुमार निरौलाले वडाहरुले पूरा गरेका सुचकका बारे प्रस्तुति दिनुभएको थियो । सोक्रममा निरौलाले वडा नं. १ को करिब ८६ प्रतिषत र वडा नं. २ ले ९० प्रतिषतभन्दा बढी सूचक पूरा गरेको तथ्याङक प्रस्तुत गर्नुभएको थियो ।
जिल्ला समन्वय समितीका प्रमुृख बिश्वनाथ बराल बालमैत्री शासन घोषणाका अभारभूत मापदण्डहरु पुरा गरेको देखिएको र तथ्याङकले पनि त्यो कुरा स्पष्ट गरेकाले बालमैत्री वडा घोषणा गर्न समस्या नहुने धारणा राख्नुहुन्छ ।
अन्तरक्रिया पश्चात जिल्ला समन्वय समितिका प्रमुख बराल नेतृत्वको टोलीले वडा नं. १ र २ मा स्थलगत अनुगमन गरेको छ। टोलीले विद्यालय, वडा कार्यालय र टोल विकास संस्थामा पुगेर सूचकहरूको प्राप्ति र कार्यान्वयन अवस्थाबारे जानकारी लिएको हो। स्थलगत निरीक्षणका क्रममा अनुगमन टोलीले विद्यालयमा सञ्चालन भइरहेका बाल क्लब, बाल सुरक्षा प्रणाली, बाल सहभागिता तथा टोल विकास संस्थाले बालमैत्री वातावरण निर्माणमा खेलेको भूमिका पनि अवलोकन गरेको थियो। दमक नगरपालिकाले सम्पूर्ण वडालाई क्रमशः बालमैत्री वडाका रूपमा विकास गर्दै, नगरलाई पूर्णरूपमा बालमैत्री नगर घोषणा गर्ने योजना अघि सारेको छ।
