दमक, २७ असार । पूर्वराजा ज्ञानेन्द्र शाहका सम्वाद सचिव फणिराज पाठकलाई प्रहरीले नियन्त्रणमा लिएको छ।
शुक्रबार बिहान उहाँलाई जिल्ला प्रहरी परिसर काठमाडौँले नियन्त्रणमा लिएको कार्यालयका प्रवक्ता एसपी अपीलराज बोहराले जानकारी दिनु भयो।
शाहलाई नेपालको संविधानले नचिनेको ‘श्री ५ महाराज धिराज’ भनी सम्बोधन गर्ने गरेको र संविधानले नचिनेको संवाद सचिवालय भनी सम्बोधन गरिएको विषयमा सोधपुछ गर्न प्रहरीले नियन्त्रणमा लिएको एसपी बोहराले बताउनु भयो।
सोही लेटरप्याडमा सूचना दिने गरिएको विषयमा पनि प्रहरीले सोधपुछ गर्न नियन्त्रणमा लिएको बताएको छ।
वैशाख १३ गते पनि पाठकले जारी गरेको समवेदना सन्देशमा श्री ५ महाराजधिराज ज्ञानेन्द्र वीरविक्रम शाहदेवबाट बक्सेको समवेदना सन्देश भनी उल्लेख गरिएको थियो।
