मग मग चाउ चाउ उद्योगमा आगोलागी : नियन्त्रण उन्मुख, प्रहरी भन्छ ‘ बाहिरको निभ्यो, भित्रको अवस्था हेरिदैछ ’

झापा/
झापाको मेचिनगर १४ स्थित मनषा थाइफुड्स (मगमग चाउचाउ उद्योग) मा लागेको आगो नियन्त्रणको नजिक पुगेको प्रहरीले जनाएको छ । आज बिहान ४ बजेबाट आगो लाग्न सुरु भएको थियो । आगो लाग्न सुरु भएको ११ घण्टापछि बाहिरपट्टिको आगो नियनत्रणमा आएको जिल्ला प्रहरी कार्यालय झापाका प्रवक्ता बसन्त पाठकले जानकारी दिनुभयो । उज्यालो खवरसँगको कुराकानीमा उहाँले ‘बाहिरपट्टीका आगो नियन्त्रणमा आएको छ ।भित्रको भागमा आगो देखिरहेको छ । जेसिजि लगाएर नियन्त्रण गर्ने काम चलिरहेको छ ।’ बताउनु भयो । उद्योगको भित्र रहेका विभिन्न मेसिन तथा औजार , मौज्दात गरिएका सामाग्री सबै जलेका छन् ।

तीनहरुको आगो निभाउने काम काम अहिले भइरहेको उहाँले जानकारी दिनुभयो । दिउँसो ३ बजे सम्ममा आगोले उद्योगको भवन र भवनभित्र र बाहिर रहेका सबै सामान डढेको उहाँले जानकारी दिनुभयो ।

खाद्यन्न उद्योग भएकोले क्षती बढि भएको छ । त्यहाँ प्राय सबै सामाग्री सामान्य आगामा पनि जल्ने प्रकारका रहेका थिए । त्यहाँ रहेको ग्यास प्लाल्न र मुख्य प्लाण्टलाई भने जोगाउन सकिएको रेडक्रस झापाका सभापति लोकराज ढकालले जानकारी दिनुभयो । यदी ती प्लान्ट बिस्फोट भएको भए सिङ्गो गाउँमै असर पर्ने थियो । तर त्यसो हुन नदिन निररन्तर ५/६ वटा दमकलाई प्लाण्ट केन्द्रित गर्दा जोखिम टरेको उहाँले सुनाउनु भयो ।

झापा , मोरङ, सुनसरी , इलाम लगायत स्थानबाट आएका दमकलहरुले आगो निभाएका थिए । अहिले केहि मात्रै दमकल रहेको र फर्किसकेको जनाइएको छ ।