दमक,८ साउन ।रोटरी क्लब अफ दमकले रोटाबर्ष २०२५÷०२६ का लागि करिब २८ लाख रुपैयाँ बराबरका वार्षिक कार्ययोजना सार्वजनिक गरेको छ। बिहीबार दमकमा आयोजित पत्रकार सम्मेलनमार्फत क्लबले आफ्नो सामाजिक क्रियाकलापका योजना सार्वजनिक गरेको हो।
क्लबको भर्खरै सम्पन्न पदस्थापनमा नेतृत्व ग्रहण गर्नुभएका अध्यक्ष केशब अग्रवालले आफ्ना कार्यकालमा गर्ने कार्ययोजना सार्बजनिक गर्नुभएको हो । क्लबका अध्यक्ष केशब अग्रवालले क्लब स्थापना कालदेखि गर्दै आएका विविध सामाजिक सेवाका कार्यक्रमहरूको संक्षिप्त विवरण दिनुहुँदै नयाँ योजनाबारे पनि जानकारी दिनुभयो।
त्यसक्रममा प्रोजेक्ट अध्यक्ष दिपु सन्दीप चापागाईंले आउँदो वर्षका प्रमुख कार्यक्रमहरूबारे प्रकाश पार्नुभयो। उहाँका अनुसार क्लबले जुलाई महिनामा वृक्षरोपण कार्यक्रम आयोजना गर्दैछ। साथै, स्वास्थ्य, शिक्षा, आर्थिक सहयोग, सरसफाइ र युवा लक्षित सीप विकास कार्यक्रमहरूलाई प्राथमिकतामा राखिएको छ।
नयाँ सदस्यता विस्तार तथा क्लब विकाससम्बन्धी तालिम जस्ता कार्यक्रम सञ्चालन गर्नेछ। कार्यक्रम क्लबका अध्यक्ष केशब अग्रवालको अध्यक्षतामा सम्पन्न भएको थियो भने क्लबका पदाधिकारी तथा सदस्यहरूको सक्रिय उपस्थिति रहेको थियो।
