दमक १० साउन | झापाको दमक–९ क्याम्पस मोडस्थित निम्स नेशनल हस्पिटल प्रा.लि. पूर्वी नेपालमै भरपर्दो स्वास्थ्य सेवा दिन सफल एक अग्रणी निजी अस्पतालका रूपमा उभिएको छ।
पूर्व–पश्चिम राजमार्गमै जोडिएको यो अस्पताल अब बिरामीका लागि मात्र होइन, स्वास्थ्य सेवामा गुणस्तरीयताको प्रतीक बन्न थालेको छ।
विक्रम संवत २०७० साल जेठ ८ गते ‘जनता नेशनल हस्पिटल’का रूपमा दमक–६ फर्निचर लाइनमा स्थापना भएको यो संस्था, २०७३ साल जेठ १७ गतेदेखि ‘निम्स नेशनल हस्पिटल प्रा.लि.’ नाममा परिवर्तन भई हालको भौगोलिक स्थानमा आधुनिक सेवा सहित सञ्चालनमा छ।
११ सदस्यीय सञ्चालक समितिको नेतृत्वमा सञ्चालित अस्पतालका अध्यक्ष उमाकान्त आचार्यका अनुसार, “यस क्षेत्रका नागरिकले उपचारका लागि ठूलो सहर धाउनु नपरोस् भन्ने उद्देश्यका साथ यो अस्पतालको सुरुवात गरिएको हो।”
निम्सले अहिले दैनिक ५०–६० जनासम्मको ओपीडी सेवा दिइरहेको छ। बिहान ८ बजेदेखि साँझ ५ बजेसम्म नियमित ओपीडी सञ्चालनमा छ भने, आकस्मिक सेवामा विशेषज्ञ चिकित्सकसहित २४ सै घण्टा उपचार सुविधा उपलब्ध छ।
हाडजोर्नी, स्त्रीरोग, नाक–कान–घाँटी, डेन्टल, जनरल फिजिसियन, एमडीजीपी लगायतका विशेषज्ञ चिकित्सकहरू नियमित रुपमा उपलब्ध छन्।
अत्याधुनिक ६४ स्लाइडको सिटी स्क्यान मेसिन, एक्स–रे, युएसजी, फुल–फ्लेज्ड प्रयोगशाला सेवा र फिजियोथेरापी सेवा समेत विशेष सुविधाका रूपमा सञ्चालनमा छन्।
सेवामा गुणस्तरीयता, समयमै उपचार र बिरामी सन्तुष्टिमा केन्द्रित हुदै टेक्नोलोजी र दक्ष जनशक्तिको राम्रो संयोजनले निम्सलाई फरक बनाउने काममा लागिरहिको अस्पतालका मेडिकल सुपरिटेण्डेन्ट डा. नबिन कुमार सिंह बताउनु हुन्छ ।
हाल अस्पतालमा दर्ता गरिएको २५ बेड रहेको छ भने, १०० बेडको पूर्ण सञ्चालन तयारी अन्तिम चरणमा पुगेको छ। अस्पतालमा १५० जना भन्दा बढी दक्ष नर्सिङ तथा प्राविधिक कर्मचारी कार्यरत छन्।
विशेषज्ञ चिकित्सकको टोलीमाः
डा. नबिन कुमार सिंह (हाडजोर्नी विशेषज्ञ)
डा. रबिन रत्न रञ्जितकार (जनरल सर्जन)
डा. बिवेक लामिछाने (फिजिसियन)
डा. अन्जु मण्डल (स्त्री रोग विशेषज्ञ)
डा. ज्ञानेन्द्र शाह (नाक–कान–घाँटी)
डा. विश्वास खरेल (एमडीजीपी)
डा. नभनित कुमार झा (डेन्टल सर्जन) रहेका छन्।
निम्स नेशनल हस्पिटलले स्वास्थ्य बीमा बोर्डमार्फत निःशुल्क स्वास्थ्य बीमा सेवा पनि उपलब्ध गराइरहेको छ। साथै, द्य७ऋ अस्पतालसँगको सहकार्यमा प्रत्येक महिनाको दोस्रो र अन्तिम बुधबार मुटु, क्यान्सर र मस्तिष्क/नसा रोग विशेषज्ञ सेवा सञ्चालन गरिँदै आएको छ। समय–समयमा ग्रामीण क्षेत्रमा निःशुल्क स्वास्थ्य शिविर, औषधि वितरण लगायतका सामाजिक सेवा पनि गर्दै आइरहेको अस्पतालले समुदायप्रति उत्तरदायी स्वास्थ्य संस्थाको छवि बनाउँदै गएको छ।
प्रशासन प्रमुख रोषन थापाका अनुसार,सेवा सहज बनाउनेतर्फ ध्यान दिएको बताउँदै अस्पतालको वातावरण, प्रशासनिक प्रक्रिया र सेवा प्रवाह सबै बिरामीमैत्री बनाइएको छ ।
नजिकिँदै गरेको विस्तार योजनाअनुसार, अस्पतालले १०० बेडको क्षमता सहित थप विशेषज्ञ सेवाहरू ल्याउने, प्रविधिमा अझ सुदृढ बनाउने र बिरामीलाई दमकबाटै सम्पूर्ण उपचार पाउने वातावरण बनाउने रणनीति अघि सारीको अस्पतलका अध्यक्ष आचार्यले योजना सुनाउनु भयो ।
दमकको मुटुमा अवस्थित निम्स नेशनल हस्पिटल आधुनिक स्वास्थ्य सेवाको उज्यालो केन्द्र बनेको छ। सेवाको गुणस्तर, विशेषज्ञ टोली, प्रविधि र समुदायप्रतिको समर्पणले गर्दा यो अस्पताल दिन–प्रतिदिन जनविश्वासको गहिराइमा पुगिरहेको छ।
