दमक १३ साउन । दमक नगर आगामी भदौ १ गते श्रीकृष्ण रथयात्राको उल्लासमय र भव्य आयोजनाको तयारीमा जुटेको छ।
मूल आयोजक समितिले मंगलबार एक बृहत् छलफल कार्यक्रम आयोजना गरी दमकमा सकृय विभिन्न संघसंस्थासँग समन्वय र सहयोगका लागि प्रतिवद्धता जनाउन आग्रह गर्यो।
छलफलमा विगतका अनुभव र जिम्मेवारीका आधारमा यसपटक पनि आ–आफ्नो क्षेत्रबाट सहयोग सुनिश्चित गर्ने निर्णय गरिएको र दमकको यो रथ यात्रा भव्य र सभ्य बनाउने सहकार्य छलफलमा सहभागी हुने सवै संघ सस्थाका पदाधिकारी तथा प्रतिनिधीहरुलाई आयोजक मुल समितीका अध्यक्ष रोहीत आचार्यले आभार व्यक्त गर्नु भएको छ ।
दमक नगरपालिकाका नगरप्रमुख रामकुमार थापा, उपप्रमुख रेगिना भट्टराई प्रसाई, नगरका विभिन्न वडाध्यक्षहरू, सामाजिक तथा राजनीतिक व्यक्तित्वहरू, दमकका अग्रणी संघसंस्थाका प्रतिनिधिहरूको उल्लेखनीय उपस्थिति उक्त छलफलमा देखिएको थियो।
छलफलमा नगर प्रमुख थापाल “दमकको सांस्कृतिक र धार्मिक पहिचानलाई राष्ट्रिय स्तरमा उचो तुल्याउने अभिप्रायले रथयात्रालाई विशेष र व्यवस्थित बनाउन हामी सबै एकजुट हुन अपील गर्नु भएको छ । उहाँले करिब ५० हजार भक्तजन र दर्शकको सहभागिता हुने अपेक्षा गर्दै, रथयात्रालाई दमकको गौरवमय पहिचान बनाउने प्रतिबद्धता व्यक्त गर्नु भएको छ ।
रथयात्राको सुरक्षा, सवारी व्यवस्था, आपतकालीन स्वास्थ्य सेवा, र जनसहभागिता व्यवस्थापनका लागि सुरक्षा निकाय, ट्राफिक प्रहरी, स्वयंसेवक समूह र स्थानीय संघ–संस्थासँग समन्वय गरिएको छ।
रथयात्राले धार्मिक सहिष्णुता, सामूहिक एकता र सांस्कृतिक चेतनाको अभिवृद्धिमा विशेष योगदान पुर्याउने विश्वास गरिएको छ।
