दमक, १४ साउन । दमक नगरपालिका–७ की ९९ वर्षीया हर्कशिला राजबंशी पछिल्ला १० वर्षदेखि हिँडडुल गर्न नसक्ने अवस्थामा हुनुहुन्छ। उहाँलाई नियमित औषधि सेवन गर्नुपर्ने अवस्था छ। उहाको शरीर असक्त भइसकेको छ। दमक–२ की ३० वर्षीया तारा लिम्बु सानैदेखि स्वास्थ्यमा समस्या झेल्दै आउनुभएको थियो, अहिले पूर्ण रुपमा अपांगता हुनुभएको छ ।
यस्तै, दमक–१ का भीम खड्का पनि पाँच वर्षदेखि अरुकै सहारामा हिँडडुल गर्दै आउनुभएको छ। यी सबैजना दमक नगरपालिकाको सहयोगमा दिनचर्या कटाइरहनुभएको छ । मंगलबार दमक नगरपालिकाकी उपप्रमुख रेगिना भट्टराई प्रसाईसहितको टोली घरघरमै पुग्नुभयो ।
नगरपालिका महिला तथा बालबालिका शाखा र स्वास्थ्य शाखासमेतको उपस्थितीमा पुग्नुभएकी उपप्रमुख भट्टराईले उहाहरुको स्वस्थ्य अबस्था मात्र बुझ्नुभएन उहाहरुको सहायताका लागि सहायता सामग्री स्वरुप ह्लिचेयर पनि वितरण गर्नुभयो । सोही क्रममा स्वास्थ्य परीक्षणसहित ह्विलचेयर प्रदान गरिएको छ। दमक अस्पतालका मेडिकल अफिसर डा. प्रदीप भट्टराईले जेष्ठ नागरिकहरूको स्वास्थ्य परीक्षण गर्नुभयो।
राजबंशी, खड्का र राई त उदाहरण मात्रै हुन, दमक नगरपालिकामा रहेका ९० बर्षमाथिका जेष्ठ नागरिक र अपांगता भएका नागरिकहरुको स्वस्थउपचार र हेरचाहका लागि नगरपालिकाले बिशेष पहल गर्दै आएको छ ।
दमक नगरपालिका उपप्रमुख अपांगताको शिक्षा, अपांगता स्वस्थ्यका लागि स्थानिय सरकाकारको प्रत्याभूति दिलाउन उनीहरुको जीवन सहज बनाउन बिगत २ बर्षदेखि सहयोग गर्दै आएको बताउनुभयो । यसरैगरि ज्येष्ठ नागरिकका लागि औषधी उपचारका क्षेत्रमा पनि काम गर्दै आएको उहाको धारणा छ ।
दमक नगरपालिका अन्ततर्गत दमक अस्पतालको सामाजिक उत्तरदायित्व अन्तर्गत जेष्ठ नागरिक र अपांगता भएका व्यक्तिको स्वास्थ्य र सम्मानजनक जीवनयापनका लागि गरेको यो पहल एक उदाहरणीय कदम हो।
