पथरी, १ भदौ / मोरङको पथरी शनिश्चरे १ मा स्थापित भएर नमुना काम गर्दै आएको शान्ति किर्तन मण्डलीको २२ औं वार्षिक तथा चुनावी सभाबाट पुनः पोषराज काफ्ले अध्यक्षमा निर्वाचित बन्नु भएको छ ।
साधारणसभामार्फत सर्वसहमत रुपमा निर्वाचित समितिको बरिष्ठ उपाध्यक्षमा मानबहादुर थापा, उपाध्यक्षमा मञ्जु कार्की, महासचिवमा सुरेशकुमार कार्की, सचिवमा रमणप्रसाद दाहाल, महिला सचिवमा वन्दना कट्टेल, सहसचिवमा चुना बस्नेत र कोषाध्यमा तोयानाथ ढकाल रहनु भएको छ । नृपबहादुर भण्डारी, पवित्रा भट्टराई, जानुका दाहाल, विष्णु धिताल, कृष्ण कार्की, लक्ष्मी श्रेष्ठ, लीलानाथ गुरागाईं, गंगा कार्की, भीम संग्रौला सदस्यमा चुनिनु भएको छ ।
लेखा समिति संयोजकमा मेघनाथ मिश्र, सदस्यमा वविता बराल र रविना बुढाथोकी निर्वाचित बन्नु भएको छ । किर्तन उपसमितिको संयोजकमा कविता ढकाल तथा सदस्यहरुमा सीता दाहाल, मधु दाहाल, टुकबहादुर थापा, वीना अधिकारी, सीता तिम्सिना, पदमलाल न्यौपाने र लीला बुढाथोकी रहनु भएको छ ।
कार्यक्रमका प्रमुख अतिथि पथरी शनिश्चरे वडा नम्बर १ का अध्यक्ष भीमकुमार राईले संस्थाले आफू आफू रकम संकलन गरेर करोडौंको जग्गा र भवन जोड्दै समाजमा नैतिकताको पाठ सिकाउने काममा संस्थाको भूमिका महत्वपूर्ण रहेको चर्चा गर्नुभयो ।
सो अवसरमा पूर्व नगर उपप्रमुख यमुना विष्ट बास्तोला, शिक्षासेवी प्रदिपकुमार राईलगायतले शुभकामना मन्तव्य व्यक्त गर्दै किर्तन मण्डलीको गतिविधिको प्रशंसा गर्नुभयो ।
कार्यक्रममा महासचिव सुरेशकुमार कार्कीले संस्थाको प्रगति प्रतिवेदन र कोषाध्यक्ष तोयानाथ ढकालले आर्थिक प्रतिवेदन प्रस्तुत गर्नुभयो । सचिव रमण दाहालले आगामी योजनाको खाका प्रस्तुत गर्नुभएको थियो । आर्थिक वर्ष ०८१/०८२ मा संस्थाले २ लाख २२ हजार ६ सय १३ रुपैयाँ आम्दानी तथा ३ लाख ६ सय ३ रुयैयाँ २४ पैसा खर्च गरेको प्रतिवेदन प्रस्तुत भएको छ ।
०६० जेठ ५ गते ७ जनाको समूहबाट सुरु भएको संस्था ०६३ मंसिर १३ गते जिल्ला प्रशासन कार्यालयमा दर्ता भएको थियो । हालसम्म सदस्य संख्या १ हजार १ सय १५ पुगेको छ ।
