दमक, ९ भदौ | दमक बजारमा पछिल्ला दिनमा फुटपाथ अतिक्रमण, सडक पेटीमै पसल सञ्चालन र सब्जी मन्डी भित्रै सवारीसाधन प्रवेशका कारण उत्पन्न भएको अस्तव्यस्त अवस्था अन्त्य गर्न दमक नगरपालिकाले कडाइका नियम सार्वजनिक गरेको छ।
नगरपालिकाले सोमबार जारी गरेको सूचनामा नयाँ सब्जी मन्डी क्षेत्र भित्र अब फुटपाथ पसल राख्न नपाइने, सडक पेटीमा लोड–अनलोड नगरी भित्रै तोकिएको स्थानमै गर्नुपर्ने र मन्डी भित्र सवारी साधनको अनावश्यक प्रवेश रोक्ने व्यवस्था गरिएको छ।
साथै, माइकिङ, धुम्ती व्यवसाय, अव्यवस्थित फोहोर व्यवस्थापन र तोकिएको समयबाहेक कारोबार गर्ने कार्यमा पनि कारबाही गरिने चेतावनी दिइएको छ।
