दमक, १२ भदौ । दमकको सब्जी बजार । जहाँ पस्दा पैदल यात्रीहरु छिर्नै नसक्ने गरि सडकको मध्यभाग सम्मै तरकारी फिजाएर व्यापार गरिन्थ्यो । किन यसो गरेको भन्दा सर्वसाधरणले व्यापारीबाट उल्टै हप्की खानुपरेका कयौ उदाहरण थीए । यसबारेमा उज्यालो खवरले यस अघीनै शशक्त रिपोर्ट बनाएको थियो । त्यसैको परिणाम स्वरुप दमक नगरपालिकाले अव यो बजार क्षेत्रको सडक पेटिमा व्यापार गर्न त परै जाओस एउटा क्रेड वा डालो पनि राख्न नपाउने गरि कडा नियम बनाएको छ र यसको कार्यान्वायन पनि सुरु भएको छ ।
यती मात्रै नभएर अव यो बजारमा जहाँबाट मन लाग्यो त्यहाँबाट पस्न पनि पाइदैन । अनी निक्सन पनि पाइदैन । पूर्व तर्फको प्रवेशद्धारबाट प्रवेश र पश्चिम तर्फको द्धारबाट बाहिर जानु पर्ने छ । जसकालागी सबैले देखिने गरिका ठुला ठुला अक्षरले लेखिएको सांकेतिक र लिखित बोर्ड राखीएको छ । अनी यहाँ भीत्र सवारी साधन राखेर तरकारी किन्न घण्टौ बेर पनि लगाउन पाइने छैन । जसकालागी निश्चित पार्किङ क्षेत्र तोकीएको छ । तोकीएको ठाउँमा सवारी पार्कीङ गर्ने र तरकारी किन्नु पर्ने हुन्छ । यो नियमलाई दमक नगरपालिकाले बिहिबार देखी कडाईका साथ लागु गराएको छ । यसको यहाँ आउने सर्वसाधारणले खुलेर प्रशषां समेत गरेका छन् ।
व्यापारीले सडक पेटि अचाक्लीनै मिचेका थीए । तरकारी खरिद गर्न आउने उपभोक्तालाई हिड्ने बाटोनै नदिने गरि आफ्ना सामान फिजाइएको हुन्थ्यो । यो कुरालाई व्यापारीका नेतृत्वले पनि स्विकार गरेका छन् । दमक तरकारी तथा फलफूल व्यवसायी संघका अध्यक्ष कुमार श्रेष्ठ भन्नु हुन्छ दमक नगरपालिकाले गरेको यो काममा हाम्रो समर्थन छ तर यसले निरन्तर्ता पाउनु पर्यो र बजार देखी बाहिर राखेर बेच्नेहरुलाई पनि नियन्त्रणमा लिनु पर्यो । ’
यो निरन्तर भएन र एक दिन देखाउन मात्रै भएको हो भने यसको भोली देखिनै नागरिकले विरोध गर्ने छन् । एक दिन गरेजस्तो मात्रै नगरि यसलाई निरन्र्ता दिन आफुहरु तयार रहेको दमक नगरपालिकाको सडक तथा ट्राफिक व्यवस्थापन समितीका अध्यक्ष प्रजापति सापकोटाले जानकारी दिनुभयो ।
बिहान र साँझको समयमा यो बजारमा उपभोक्ताको अत्याधीक भीड लाग्छ । तरकारी किन्न आउँदा सडकमा छरेर राखेका तरकारी किन्न बाध्य थीए नागरिक । यसो गरेर नबेच्नु भनेर दमक नगरपालिकाले पटक पटक मौखीक अनुरोध पनि गरेको थियो । कहिले कहिल लिखित नै पनि दियो । तर यहाँका व्यापारीले टेर्दै टेरेन्न । त्यसकारणले गर्दा अहिले चाहि एक्सनमै उत्रन बाध्य भइएको नगर प्रमुख राम कुमार थापाले बताउनु भयो ।
अव यहाँका तरकारी व्यापारीहरुले बिहान ८ बजे सम्म आफ्ना आएका सामानहरुको व्यवस्थापन गरिसक्नु पर्ने हुन्छ । आफ्नो स्टलमा जति सामान अट्छ त्यती मात्रै बेच्ने वा स्टक गर्नुपर्ने भएमा अर्को विकल्प अपनाउनु पर्ने नियम लागु गरिएको छ । यदी त्यसो नभमा सडकमा भेटिएका सामान त जफत हुन्छन् नै अन्य जरिवाना र कार्वाहिको भागेदार समेत बन्नु पर्ने भएको छ ।
