दमक, २० भदौ । ओम खनालले रचना वाचन गरेको यो स्थल कुनै साहित्यिक मञ्च हैन । अनि कुनै साहित्यिक महोत्सव पनि हैन । यो त दमक नगरपालका वार्ड नं ६ ले निर्माण गरेको काव्य बाटिका हो । त्यो पनि वार्ड कार्यालय परिसरमै । अव यहाँ साहित्यमा रुची हुनेहरु भेला भएर आउने, रचना वाचन गर्ने र सन्देश प्रवाह गर्ने काम जतिबेलै पनि गर्न सक्छन् ।
दमक ६ ले साहित्य र सिर्जनालाई प्रर्वधन गर्नकालागी यस खालको मञ्च स्थापना गरेको जनाएको छ । पुस्तक सहितको वाचानालाय , काव्य बाटिका सबै थोक सुविधा सहित वार्डले स्थापना गरेको यो संरचना कला, साहित्य र सिर्जना प्रर्वधन गर्न किन आवश्यक छ भन्ने चेत भएकोले मात्रै गर्न सक्ने भन्दै यसको अधिकतम प्रयोग गर्न साहित्यकार खेमनाथ पोखरेलले बताउनु भयो ।
पठन संस्कृति विकास गर्न र बसेर पुस्तक पढ्ने अभ्यास गराउन यो काव्य टिका स्थापना गरिएको हो । यहाँ आएर अव जोसुकैले पनि आफूलाई मन लागेको बेला सम्म बसेर उपलब्ध पुस्तकहरु पढेर बस्न सक्छन् । नयाँ अध्ययन र खोज गर्न सक्छन् । यो नयाँ पुस्ताका लागी पनि आकर्षण गराउन सके यसको प्रभाव अझ बढेर जान सक्ने साहित्य कला संगम दमकका अध्यक्ष बिन्दु दाहाल मुकदर्शकले जानकारी दिनुभयो ।
दमक नगरपालिकाले यस अघी प्रज्ञा प्रतिस्ठान गठन गरेको थियो । तर नगरपालिकामा नयाँ नेतृत्व आएसगै त्यो निष्कृय बन्यो । त्यसलाई व्यूताउने काम हुन सकेन । यदी सो प्रतिष्ठान थियो भने यसखालाका सबै गतिविधि त्यहि प्रतिष्ठान मार्फत हुने थीए भन्दै चिन्ता व्यक्त गर्नु हुन्छ दमक प्रज्ञा प्रतिस्ठानका अध्यक्ष हेम अधिकारी ।
समाज अझ सिर्जनशिल बनोस । सकरात्मक बनोस । अध्ययनशिल बनोस । अनी चिन्तन गर्न सक्ने बनोस भन्न दमक नगरपालिका वार्ड नं ६ ले यो खालको काव्य बाटिका खोलेको वार्ड अध्यक्ष टेक बहादुर थापाले जानकारी दिनुभयो ।
समाजलाई सकरात्मक र सिर्जनश बनाउन वार्ड स्तरबाट भएको यो पहल सराहनीय रहेको भन्दै कार्यक्रममा सहभागीहरुले वार्ड र वार्डका अध्यक्ष प्रति आभार व्यक्त गरेका थीए । यो काव्य बाटिकाको बिहिबार औपचारीक कार्यक्रम गरि उद्धघाटन गरिएको थियो ।
