दमक, २३ भदौ । जेन जी अर्थात २८ वर्ष भन्दा कम उमेर समुहका युवाहरुको समुह । यो समुह अहिले अध्ययनमा छ । भविष्य कस्तो बनाउने भन्नेमा चिन्तीत छ । देशमै केहि गरौ भन्ने भावना छ तर देशका नेताले त्यस्तो अवस्थानै बनाइदिएनन । नेताहरुले आफ्नो , आफ्नो परिवार , आफ्ना आसेपासेहरुको मात्रै भविष्य बनाए । यही गरौ र यही बसौ भन्ने आम भुई मान्छेहरुका लागि अवस्था सिर्जना गराइदिएनन् । यही आक्रोस पोख्दै दमक सहित देशभरका यूवाहरु प्रदर्शनमा उत्रीएका छन् ।
यो आक्रोस र उर्जाको प्रर्दशन कुनै दलको झण्डामा बसेर गरिएको हैन । कुनै संगठनको ब्यानरमा पनि हैन । उनीहरु घर घरबाट स्वस्फुर्त आएका हुन । कलेज पढेर घर फर्केनेहरु सडकमा उभीएर आन्दोलनमा सहभागी भएका हुन । १८ वर्षका यूनिस दाहाल १२ कक्षा पास गरेर बस्नु भएको छ । १२ पढिसकेपछि स्नातकमा भर्ना गरेर कलेज जानुपर्ने उहाँ अहिले कन्सलटेन्सिमा आयल्स पढिरहनु भएको छ । यही आन्दोलनमा सहभागी हुन आउनु भएका उहाँ देशमा बस्ने अवस्था नभएकै कारण आफु विदेश जाने योजनामा रहेको प्रतिकृया दिनुहुन्छ ।
यस्तै पाँचथर घर हुनु भएकी जीना राई पनि जर्मनी जाने तयारी गरिरहनु भएको छ । व्यापार गरौ लगानी सुरक्षीत छैन । कहि काम गरौ भनसुनमा भनिदिने मान्छे छैनन । पाइला पाइलामा कर छ । नेपालमा केहि गर्छु भन्ने सोच त हो तर अवस्था कहि नदेखेपछि बाध्य भएर विदेश जाने योजनामा रहेको उहाँले सुनाउनु भयो ।
आशा र भरोसा भन्दा पनि यहाँ निरासा र चिन्ता बढि देखिएको छ । यूवाको जोश देश बनाउने भन्दा पनि देशमा बस्न योग्य बनाउने तर्फ हुनुपर्नेमा केन्द्रित छ । व्याप्त भ्रष्टचार । अनी नेताका छोराछोरीको आलीसान जीवन । आम नागरिक बेरोजागरको पीडामा । यो समस्यालाई शशक्त उजागर गर्न र परिवर्तन ल्याउन भन्दै जेन जि को यो आन्दोलनमा आफुपनि सहभागी भएको उर्लाबारीका प्रवेश ।
यही बसेर पढौ गुणस्तरीय शिक्षा छैन । यहाँको शिक्षाले भविष्य बनाइदिन सकेन । कुनै निशिचत भएन । जे सुकै काम गर्दापनि कर लिने र त्यसको दरुपयोग गर्ने । यसले न हाम्रो पुर्खामा समृद्धि आयो । न हामीले समृद्धि देख्न पाउने भयौ । न हाम्रो पूस्तालेनै देख्न पाउने भयो । त्यसैले करको दुरुपयोग हुनबाट रोक्न र भ्रष्टचारको जरै उखालेर फाल्न भन्दै यो आन्दोलनमा सहभागी भएको इक्सा थोप्रा लिम्बुले बताउनु भयो ।
अहिले सामाजीक सञ्जाल प्रतिबन्द लगाइएको छ । यसले नागरिकको वाक स्वतन्त्रता हनन गरेको र राज्य संयनत्रको काम र गतिविधीबाट वाक्क लागेको भन्दै त्यसको प्रतिरोधमा समेत आन्दोलन गर्नु परेको जेन जी टिम दमकका सकृय सदस्य सुभम सिग्देलले बताउनु भयो ।
यी पुस्ताले राखेको माग जायज छन । कसैले आफ्नै देशमा बसेर काम गर्छु वातावरण बनाइदेउ भन्ने विडम्बना आउँछ भने देश कुन हद तह सम्म गुज्रीरहेको छ भन्ने यो एउटा गतिलो उदाहरण हो । राज्यले यूवाहरुको यो आवाजलाई कसरी संवोधन गर्छ त्यो भने हेर्न बाँकी छ ।
