दमक २८ भदौ | निजी तथा आवासीय विद्यालय अर्गनाइजेशन नेपाल (प्याब्सन) झापाले सदस्य विद्यालयहरूमा पठनपाठन सुचारु गर्न अनुरोध गरेको छ।
जिल्ला प्रशासन कार्यालय झापाले गत भदौ २३ र २४ गते Gen-Z नेतृत्वको आन्दोलनका कारण जारी गरेको निषेधाज्ञा भदौ २८ गतेदेखि हटाइएसँगै, विद्यार्थीलाई पठनपाठनमा फर्काउने वातावरण बनाउनुपर्ने आवश्यकता देखिएको प्याब्सनले जनाएको छ।
यसक्रममा प्याब्सन झापाले स्थानीय तह, शिक्षा, युवा तथा खेलकुद शाखासँग समन्वय गरी सदस्य विद्यालयहरूलाई अध्ययन–अध्यापनलाई सहज बनाउन सुझाव दिएको हो।
प्याब्सन झापाका अध्यक्ष छत्रबहादुर कार्की र सचिव लक्ष्मिप्रसाद उप्रेतीको हस्ताक्षरमा जारी विज्ञप्तिमा भनिएको छ, “आवश्यक सुरक्षा र शान्त वातावरण कायम गर्दै आइतबारदेखि पठनपाठनलाई निरन्तरता दिन विद्यालयहरूले आवश्यक तयारी गर्नु जरुरी छ।”
दमक प्याब्सनले प्रहरी कार्यालयना सहयोग गर्ने
यस्तै प्याब्सन दमक नगर कमिटीले इलाका प्रहरी कार्यालय दमकमा एक लाख रुपैया बराबरको जिन्सी सामाग्री सहयोग गर्ने निर्णय समेत गरिएको छ । प्याब्सन दमकका अध्यक्ष नवीन योगीका अनुसार जेन जि समुहले जलाएर नस्ट पारेको कार्यालयमा काम गर्न सहज होस भनेर कार्यालयलाई आवश्यक पर्ने जिन्सी सामाग्री खरिद गरेर दिइने उहाले बताउनु भयो ।
