सिरहा,२८ भदौ । जेनजी आन्दोलनको क्रममा मंगलबार कारागार र बाल सुधारगृहबाट भागेका तीन जनालाई सिराहा प्रहरीले नेपाल–भारतको सीमावर्ती क्षेत्रबाट पक्राउ गरेको प्रहरीले जनाएको छ।
जिल्ला प्रहरी कार्यालय सिराहाका अनुसार आन्दोलनको क्रममा महोत्तरीको जलेश्वरस्थित कारागार र पर्साको बिर्तास्थित बाल सुधारबाट भागेका तीन जनालाई नेपाल–भारत सीमा क्षेत्रबाट पक्राउ गरिएको जनाएको छ ।
लागुऔषध तथा हातहतियार खरखजाना मुद्दाअन्तर्गत जलेश्वर कारागारमा पुर्पक्षमा रहेका २६ वर्षीय रूपेशकुमार बैदार फरार भएको अवस्थामा पक्राउ गरिएको सिराहा प्रहरीका सूचना अधिकारी प्रहरी नायब उपरीक्षक वीरेन्द्रकुमार पासवानले जानकारी दिनु भयो ।
उहाँका अनुसार पर्साको बिर्तास्थित बाल सुधारबाट फरार भएका बाल बिज्याइँकर्ताहरू जबरजस्ती करणी मुद्दाका १४ वर्षीय मो, सद्दाम अन्सारी र कर्तव्य ज्यान मुद्दाका १५ वर्षीय मो। सहमद नदाफलाई पक्राउ गरी जिल्ला प्रहरीमार्फत सम्बन्धित कारागार र बाल सुधारगृहमा पठाउन समन्वय भइरहेको प्रहरीले बताएको छ।
