आँखाबाट आशु झर्ने कथा

आमाबाबुले नै बेचे छोराछोरी, गाउँभरि अपहरणको हल्ला

उज्यालो खवरको सकृयतामा यसरी खुल्यो रहस्य

दमक, २९ भदौ  । गौरादह ५ स्कुलचौन देखी हराएका दुई बच्चाहरु महाभारामा १८ दिन पछि सकुसल भेटिएको छन् ।
तर, हराएका यी दुई बच्चाहरु भेटाउन त्यो पनि प्रहरी प्रशासन बिना त्यती सजिलो भने भएन । यो बिचमा एउटा परिवारले मात्रै हैन पूरै गाँउले नै राम्ररी निदाउन पाएको थिएन् ।

भदौ २५ गतेको बिहान हामीले गौरदाह स्कुलचौनदेखी दुई जना बालबालिका हराएको भनेर सुन्यौ । त्यो खबर सुन्ने बित्तिकै हामीले बच्चा गुमाएका पीडित परिवार र त्यहाँका केही स्थानीयहरुसँग कुरा गरि घटनाको प्रकृतीको बारेमा बुझ्यौ ।

 

बच्चा हराएका ति परिवार एकदमै विपन्न र मुस्लीम समुदायका रहेका छन्। उनीहरुलाई दुई छाक खानपनि धौ धौ रहेछ । यस्तोमा उनीहरुले बच्चा खोज्न कसरी जाउन भनेर गाँउका सबै स्थानीय मिलेर नै पहल गरिदिए । बच्चा लिएर जाने पनि आफ्नै छिमेकी रहेको र उनी पनि एक नाबालिका रहेको हामी त्यहाँ पुगेपछि थाहा पायौ । हराउने बच्चाहरु भने १५ वर्षकी बालिका र १० वर्षका बालक थिए भने बच्चा घरबाट लिएर जाने पनि १६—१७ वर्ष की पूजा पाठक रहेछिन ।

यो घटनामा पुजा संलग्न छिन् भनेर थाहा हुने बित्तिकै स्थानीयहरुले उनलाई महारानीझोडको प्रहरी कार्यालयमा उजुरी दिए र त्यहाँबाट उनीहरुसहित घटनामा संलग्न आरोपी मानिनेलाई दमकको ईलाका प्रहरी कार्यलयमा पठाईयो । प्रहरीले नाबालिका हुन् भनेर चौकीमा राख्न नमानेपछि स्थानीयहरुको आग्रह र बच्चा लग्दै गरेको सिसिटिबी फुटेज प्रमाणको रुपमा देखाईएपछि उनलाई चौकीमा राखी सोधपुछ सुरु गरिएको थियो । उनले बारमबार झुटो बयान दिएपछि त्यो केस त्यही अल्झीरहेको थियो ।

 

तर, भदौ २५ गतेको दिन जेन्जीको आन्दोलनको क्रममा ईलाका प्रहरी कार्यलय दमकमा आगलागी भयो । त्यहाँ रहेका कैदीहरु पनि छोडिए । पुजा पाठक पनि त्यो दिन थानाबाट भाग्न सफल भईन् र उनी प्रहरी कार्यालयबाट निस्कने बित्तिकै आफ्नो घर फर्किन । तर, त्यहाँका स्थानीयहरुले उनी आएको थाहा पाउने बित्तिकै सोधपुछ गर्न थाले । तर उनले छिन् छिन्मा कुरा फेर्दै बोलीन ।

यता भदौ २६ गतेको बिहानै हामीलाई एउटा कल आयो। र कल हुन्छ बच्चा गुमाएका बुबाको । उहाले हाम्रो बच्चा लग्ने केटी घरमा आनन्दले बसिरहेको छ तपाईँहरु छिटो आउनुहोस् भन्ने बित्तिकै हामी स्कुलचौन तर्फै लाग्यौ । त्यहाँ पुग्दा घटनाले यस्तो मोड लिएको थियो ।

 

गाउँका स्थानीयहरुले पुजा पाठकको घर घेरेका थिए । सबैको अनुहारमा आक्रोस प्रस्टै देखिन्थ्यो ।

सबैले बारबार पुजालाई बच्चा कहाँ छन् भन्ने प्रश्न गरिरहेका थिए । तर, उनी मौन थिईन् । गाँउका सबै भेला भएर डर देखाएपछि उनले यस्तो प्रतिकृया दिइन ।

 

पुजा पाठकले यस काममा आफ्नो केही हात नरहेको र आफ्नो दिदी रितिकाले आफूलाई यस्तो गर्न बाध्य गरेको बताईन् र बच्चाहरु दिदीसँग सुरक्षित रहेको पनि जानकारी दिइन ।
यो सुन्ने बित्तिकै बच्चाहरु दमकमै छन् भन्ने लागेर सबैको मुहारमा खुसीयाली छायो । त्यसपछि हामीले एकछिन् पनि ढिला नगरि उनको दिदीको खोजीमा दमक आयौँ । पुजाले देखाएको ठाउँमै उनको दिदी रितिका पनि भेटिईन् । तर, उनले आफूलाई बच्चाको बारेमा थाहा नभएको र चिन्दा पनि नचिन्ने निरासानजक जवाफ दिइन ।

 

अब फेरी बच्चा भेटिने सबैको एउटै आशा पनि निराशा भयो । रितिकाले आफू बच्न झुट बोलेको हो कि भन्ठानेर गाउँलेले उनलाईपनि गाउँमै लिएर गए । तर, गाँउ पुगेर पनि उनले आफ्नो जवाफ फेरीनन । उनी भन्छिन मलाई फसाउन खोजीयो ।

 

तर केही घण्टाको सोधपुछ पछि भने पुजाले फेरी बयानमा नयाँ नयाँ कुरा थप्दै गईन् जसले गर्दा उनले यस अघी बोलीरहेका कुरा झुट हुदै गयो । त्यसपछि स्थानीयहरुले फकाएपछि केहीबेरमा पुजा पाठकले फेरी अर्को नयाँ जवाफ दिईन् । उनले बच्चाहरु बिर्तामोडमा रहेको खुलासा मात्रै गरिनन । बिर्तामाड जाउँ बच्चा निकाल्ने काम मेरो भनेर प्रतिवद्धता समेत जनाइन ।

उनले यो भनीसक्दा बेलुकाको ७ बजिसकेको थियो । त्यही भएर हामीले बिर्तामोड भोली पल्टमात्रै जाने निर्णय गर्यौँ । तर, भोली बिहानै हामीलाई बच्चा महाभारा भन्ने ठाउँमा छन् र सुरक्षित छन् भन्ने खबर आउँछ । महाभाराका स्थानीयले हामीलाई टेलीफोन गरेर बच्चा सुरक्षीत रहेको खवर सुनाउदा मात्रै पनि हामीलाई ढुक्क भए जस्तो भएको थियो ।

हामीले सल्लाह गरेर भेला भईसक्दा दिउँसोको १२ बजेको थियो । हामी ५ ओटा बाईकमा बच्चाको बुबा सहित महाभारको लागी निस्क्यौँ । केही घण्टा पछि हामी महाभारा पुग्यौ । त्यहाँ पुगेपछि बच्चाका बुबाले नै हामीलाई बाटो देखाउँदै लैजनुभयो ।
खोलाको बगर कासै कासले ढाकेको ठाउँमा एक दुई ओटा साना साना घर देखिन थाले । त्यहाँ पुग्ने बित्तिकै हामीले बच्चाहरुलाई देखिहाल्यौँ तर, उनीहरु डरले भागे । कुरा बुझ्दा थाहा भयो त्यो ठाउँ उनीहरु पहिला बसेको ठाउँ रहेछ ।
त्यहाँ पुगेपछि सबै कुरा परिवर्तन भयो । हामीले अहिले सम्म जे सोचेका थियौ त्यो हैन रहेछ । घटनाको वास्तविकता त अर्कै रहेछ । अहिलेसम्म हामीले शंकाको दायरामा राखेको पुजा र रितिका निर्दोष रहेछन् । बच्चाहरु आफ्नै खुसीले भागेका रहेछन्। बच्चाहरु पुजाले हैन उनकै बुबा आमाले बेच्न लागेको रहेछन् । यो सुनौ त ।

 

उनीहरुले १–२ लाख पैसा लिई आफ्नै छोरीको बिहे गर्दिन लागेका रहेछन्। पुजा पाठकले दमकसम्म ल्याईदिएको र त्यस पछि बच्चाहरु आफैँ महाभारा सम्म पुगेका रहेछन् । त्यहाँ उनीहरुलाई पहिलाको छिमेकीले सुरक्षित राखिदिएका रहेछन् । हामीले यी सबै कुरा बुझेपछि बच्चाहरु लग्ने कि नलग्ने भन्ने कुराको अन्योलमा पर्यौँ । त्यहाँको समाजले पनि हामीलाई बच्चा दिन मानिरहेको थिएन र बच्चाहरु पनि आफ्नो बुवाआमाले मार्छन् भन्दै थिए। हामीले जसो तसो बच्चा लिएर फक्र्यौ। गाउँ पुग्दा पुरा गाउँले हरुको हुल थियो । सबैले बच्चाहरु तिर औलाउँदै खुसी हुदैँ थिए । तर, बच्चा हराएको १८ दिनमा बच्चालाई सकुसल देख्दा आमाको मुहारमा हुनु पर्ने खुसी उनीहरुको अनुहारमा भने देखिएन् ।

उनले सानो छोरालाई तानेर धम्काउन थालिन् । सबै अचम्ममा परे कसैले बुझ्न सकेनन् के हुदैँ छ भनेर । पछि हामीले सबै कुरा गाँउकालाई सुनाएपछि सबै आक्रोसित भए । कसैले विश्वास गर्न सकेनन् यो सत्य हो भनेर ।

 

पुजा पाठकले सुरुमा नै सबै सत्य कुरा भन्देको भए यति सबैले यति धेरै दुख पाउनुपर्दैन थियो होला । र निर्दोष उनकी दिदी रितिकाले यति बेईज्जत र कुटाई सहनुपर्दैन थियो होला । पुजाले र पुरै गाउँले नै रितिकासँग माफ मागे र उनले पनि माफ दिईन् ।

 

बच्चाहरुलाई केही दिनसम्म स्थानीयले जिम्मा लिने र माहोल राम्रो भएपछि कुनै राम्रो आश्रममा दिने गाउँलेहरुले बताएका छन् ।

यो घटनाले के पुष्टी गर्छ भने आफ्नै बाबु र आमा आफ्ना सन्तानलाई बेच्न किन बाध्य हुन्छ ? यदी आर्थीक अभावकै कारण खान र लाउन दिनै नसक्ने हो भने त्यसकालागी अनेकन विकल्प छन् । सहयोगी सस्था छन् । स्थानीय सरकार छ । तर केहि लाख रुपैँयामा छोराछोरी बेच्न कुनै आमा बुबाको मनले कसरी मान्छ ? यो साँच्चैनै गम्भिर अवस्था हो । यस्तो अवस्थाको अन्त्यकालागी सबै सरोकारवाला सचेत हुनु पर्छ ।

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

करोडौँ ठगी आरोपमा फरार बराह सहकारीका अध्यक्ष लामिछाने पक्राउ

धरान,२ मंसिर । धरानको बराह बचत तथा ऋण सहकारी संस्थाका अध्यक्ष शिवकुमार लामिछाने (विश्वकर्मा)पक्राउ पर्नु भएको छ । बचतकर्ताको बचत हिनामिना गरेर लामो समयदेखि फरार

दमकमा चलिरहेको आदिवासी जनजाती महोत्सव कस्तो? के भन्छन हेर्न जाने दर्शक ?

दमक, २ मंसीर । रातको समय । मंसीर महिना लागीसक्यो । चिसो हावा चलीरहेको थियो । त्यसमाथी रतुवा नदिको किनार । चीसोको सिरेटो नचल्ने कुरै

जन्मदिनको अवसरमा मानव सेवा आश्रममा भोजन

दमक, मंसिर २ । जन्मदिनको अवसरमा हुने फजुल खर्च कटौती गर्दै दमकमा एक परिवारले मानव सेवा आश्रममा रहेका अशक्त तथा असहायलाई भोजन गराएको छ।दमक–६ निवासी

प्रधानमन्त्री शाह र भारतीय राजदूत दलेला बीच आसन्न भारत भ्रमणबारे छलफल

काठमाडौं,२ मंसिर। प्रधानमन्त्री बालेन्द्र शाह (बालेन) सँग नेपालका लागि नवनियुक्त भारतीय राजदूत सुधाकर दलेलाले सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता गर्नु भएको छ।प्रधानमन्त्रीको आसन्न भारत

अध्यक्ष ओलीद्वारा सरकारको दमनविरुद्ध प्रतिरोधमा उत्रिन कार्यकर्तालाई निर्देशन

काठमाडौं ,२ मंसिर। नेकपा (एमाले)अध्यक्ष केपी शर्मा ओलीले सरकार एमालेप्रति निर्मम भएर उत्रिएकाले त्यसको प्रतिरोधका लागि तयार रहन अगुवा कार्यकर्ताहरुलाई निर्देशन दिनु भएको छ ।आज

एमाले विकासको नायक हो : केपी ओली

काठमाडौ २ कार्तिक । नेकपा एमालेका अध्यक्ष केपि शर्मा ओलीले नेकपा एमाले विकासको नायक रहेको बताउनु भएको छ । एमालेको राष्ट्रियभेलालाई सम्बोधन गर्दै उहाँले भन्नु

अस्ट्रेलियाको क्रिसमस टापुमा रातो गंगटाको वार्षिक बसाइँसराइ सुरु

क्रिस्मस् (आईल्याण्ड),२ मंसिर । अस्ट्रेलियाको क्रिसमस टापुमा लाखौँ रातो गंगटो (रेड क्र्याब) आफ्नो वार्षिक प्रजनन यात्राका लागि जंगलबाट समुद्रतर्फ निस्किएका छन् । वर्षायामको पहिलो वर्षासँगै