दमक, ३० भदौ । झापा जिल्लामा भएको जेन जि आन्दोलनका क्रममा विभिन्न स्थानीय तहमा ठूलो जनधनको क्षति भएको छ। सुशासन, भ्रष्टाचार अन्त्य र सामाजिक सञ्जाल खोल्नुपर्ने मागसहित सुरु गरिएको आन्दोलन हिंसात्मक बन्दा प्राणघातक घटना घटेको थियो ।
जिल्लाभरीका सरकारी कार्यालय, प्रहरी कार्यालय, १५ वटा मध्ये १३ वटा पालिकाको कार्यालयहरुमा पूर्ण क्षती भएको र सयौ वार्ड कार्यालयहरु क्षती भएको जिल्ला समन्वय समिती झापाले जनाएको छ ।
जिल्लामा प्रदेशसभा सदस्य होमबहादुर थापा , दमक नगरपालिका मेयर राम थापा तथा उपमेयर रेगिना प्रसाई , दमक वडा नं . १ का वडाघ्यक्ष हरिप्रसाद न्यौपाने , ३ नं . डाध्यक्ष नविन वराल, मेचिनगरमा संघीय सांसद विश्वप्रकाश शर्मा , कोशी प्रदेश सभा सदस्य गोपाल तामाङ , प्रदेश सदस्य श्रीप्रसाद मैनाली , उमेयर मिना उप्रेती , मेयर गोपालचन्द्र बुढाथोकी , मेचीरीनगर वडा नं . १२ का वडाध्यक्ष मधु निरौलाको घर आगजनी, तोडफोड र लुटपाट गरी ठूलो क्षति पुर्याइएको समितीले जनाएको छ ।
यस्तै गौरादहमा मुख्यमन्त्री हिक्मतकुमार कार्की , गौरादहका मेयर छत्रपति सुवेदी तथा उपमेयर जलबर्षा राजवंशी वडा नं . २ का वडाध्यक्ष गोपाल कोइराला , वडा नं . ३ का वडाध्यक्ष दिलीप भण्डारी वडा नं . ७ का वडाध्यक्ष बलराम खरेलको घर आगजनी , तोडफोड र लुटपाट गरी ठूलो क्षति पुर्याएको जनाइएको छ ।
समितीमा हिजो भएको १५ वटै पालिकाका जनप्रतिनिधीहरुको भेलाले मृतकका परिवार र घाइतेहरुलाई क्षतिपूर्ति , राहत र उपचारको व्यवस्थाका लागि राज्यसँग माग गरेको छ भने प्रदर्शनमा घुसपैठ भई गोली चलेको घटनाको सिसिटिभी फुटेज सार्वजनिक गरी निष्पक्ष छानविनकागि छानविन आयोग गठन गर्न समेत माग गरिएको छ ।
