काठमाण्डौ,१ असोज। सरकारले कर तिर्ने समय एक महिना थप गरेको जनाएको छ । कानून अनुसार गएको भदौ २५ गतेभित्र बुझाइ सक्नुपर्ने साउन महिनाको कर तिर्नका लागि एक महिनाको समय थप गरिएको आन्तरिक राजस्व विभागका महानिर्देशक मदन दाहालले बताँउनु भयो ।
मूल्य अभिवृद्धि कर (भ्याट), अन्तःशूल्कलगायत कर हरेक महिनाको २५ गतेभित्र सम्बन्धित कर कार्यालयमा बुझाउनुपर्ने कानूनी व्यवस्था रहेको छ । यसपटक विषम परिस्थितिका कारण कर तिर्ने समय थपिएको हो ।
जेनजी आन्दोलन र पछिल्लो राजनीतिक घटनाक्रमबाट उद्योगी व्यवसायीले तोकिएको समयमा कर तिर्न नपाएको भन्दै अर्थमन्त्री रामेश्वर प्रसाद खनाललाई सहजीकरणका लागि आग्रह गरेका थिए ।
अर्थमन्त्री खनालले कर तिर्ने समय एक महिना थप गर्ने, सार्वजनिक तथा निजी क्षेत्रमा पुगेको क्षतिको पुनर्निर्माणका लागि कोष खडा गर्ने व्यवसायीलाई बताउनुभयो ।
