दमक,१ असोज । नेपाल पञ्चांग निर्णायक विकास समितिले यस वर्षको दसैंको टीकाको साइत सार्वजनिक गरेको छ।
समितिका अध्यक्ष शम्भुप्रसाद ढकालका अनुसार असोज १६ गते बिहीबार बिहान ११ः५३ बजे टीकाको उत्तम साइत रहेको छ। यस वर्षको दसैं असोज ६ गतेदेखि सुरू हुँदैछ। असोज ६ गते बिहान ०९ः१३ बजे घटस्थापनाको शुभ साइत रहेको छ।
असोज १३ गते सोमबार फूलपाती, असोज १४ गते मंगलबार महाअष्टमी र कालरात्रि परेको समितिले मंगलबार जारी गरेको विज्ञप्तिमा उल्लेख गरिएको छ। असोज १५ गते बुधबार महानवमी र असोज १६ गते बिहीबार दशमी रहेको छ। असोज २० गते सोमबार कोजाग्रत पूर्णिमा परेको छ।
