दमक, १ असोज। गत भदौ २३ र २४ गते भएको जेन्जी आन्दोलनमा दमक नगरपालिकामा तोडफोड र आगजनी गरिएको थियो । आन्दोलनमा भएको आक्रमण पछि नगरपालिकाको भवनमा पुरै प्रयोग गर्न नमिल्ने गरी क्षती भएको थियो । नगरपालिका भित्र रहेका प्रविधिक साधनहरु र कागजपत्रहरु पनि जलेर नष्ट भए । नगरपालिकाले जती सक्दो छिटो सेवा दिने भनेपनि सेवा दिनका लागी भने अझै पनि केही समय लाग्ने भएको छ । तर, नगरपालिकाको केही शाखाका कामहरु भने टेबल र कुर्सी मात्रै राखेर भएपनि सम्भब हुने खाल्को सेवाहरु भने दिने नगरपालिकाले प्रतिवद्धता जनाएको छ ।
दमक नगरपालिकालाई जती सक्दो सेवा दिनको लायक बनाउनको लागी यति बेला नगरपालिकाका सबै कर्मचारीहरु नगरपालिकाको परिसर सफा गर्न व्यस्त छन् । प्रयोग गर्न मिल्ने फर्निचरहरु र कागजपत्रहरु छानी त्यसलाई मिलाइरहेका छन् । नगरपालिकाको मुख्य भवनमा भने धेरै बेर सम्म आगलागी भएकाले त्यो भवन प्रयोग गर्न सुरक्षित छ कि छैन भनेर अहिले नै भन्न नसकिने र प्रयोग गर्न मिल्ने भएपनि त्यसलाई सफाइ गर्न समय लाग्ने बताइएको छ । त्यसैले केही समयसम्म नगरपालिकाका कुनै शाखाहरु वडा नं १ को कार्यालय भएको भवनमा सारिदैँ छ भने नगरकाका प्रमुख र उपप्रमुखको कार्यकक्ष नगरपालिकाको दक्षिण तर्फको भवनमा सारीदै छ । नगरपालिकालाई सेवा प्रवाह गर्न एकदमै हतार भएकाले आफूहरु त्यसको लागी दिनरात काममा जुटिरहेको बताउनुहुन्छ दमक नगरपालिकाको योजना शाखाका इन्जीनियर अनन्त सेनेहाङ । उहाँ भन्नुहुन्छ, एउटा टेबल कुर्सी मात्रै राखेर भएपनि हामी नागरिकलाई सेवा दिने तयारी गरीरहेका छौ ।
नगरपालिकाले केही समयको लागी अल्पकालीन स्थान बनाएर भए पनि चाँडो भन्दा चाँडोसेवा प्रवाह गर्ने प्रयासमा रहेको बताउनुहुन्छ दमक नगरपालिकाका प्रमुख राम कुमार थापा । उहाँका अनुसार सेवा दिनको लागी अस्थाई रुपमा वडा नं १ लाई मात्रै नभएर वडा नं ७ , ६ र अरु वडालाई पनि प्रयोग गर्न सक्ने जानकारी दिनुभयो ।
पुरै नगरपालिकका कर्मचारीहरु जतिसक्दो छिटो सेवा प्रवाह गर्नका लागी एकजुट भएर काममा जुटिरहेका छन् । नगरमा कती क्षती भयो भनेर शाखागत कर्मचारीहरु त्यसको अभिलेख पनि निकाल्न व्यस्त छन् ।
