दमक,१ असोज । असोज १ गते विश्वकर्मा पुजा । सनातन धर्म मान्नेहरुको लागी यो दिनको विशेष महत्व हुन्छ । यो दिन आ–आफ्ना सवारी साधन तथा कलकारखानामा प्रयोग हुने उपकरण, औजार लगायतका सामाग्रीहरुको पूजा गरीने चलन छ । आजको दिनमा सवारी साधन र औजारहरु गायतका सामाग्रीहरुको पुजा गरेर साधन र औजारहरुले वर्ष भरी दुख नदिने र नबिर्गने विश्वास छ । दमकमा चाहि कसरी मनाइयो त ?
दमकमा पनि बुधबार विश्वकर्मा पुजाको रौनक छाएको थियो । नगरभरी रहेका कलकारखाना र पसलहरुमा विश्वकर्मा भग्वानको फोटो राखी पुजा गरिएको देखिन्छ । बाटो भरी हिनीरहेका सवारी साधनहरुमा पनि विभिन्न रङका रिबन र स्टीकर लगाई सजाईएको देख्न सकिन्छ । तर, पुजा गरिरहँदा उनीहरुलाई विश्वकर्मा पुजाको महत्वको बारेमा कत्तीको बुझेका छन् त? दमकको सब्जी बजारमा पवन इलेक्ट्रोनिक्स सञ्चालन गरिरहनु भएका पवन कुमार साह मिसेनरी सामानहरु प्रयोग गर्नेहरुको लागी विशेष महत्व रहेको बताउनुहुन्छ । वर्ष भरी प्रयोग हुने समानहरु नबिर्गियोस् र भगवानले सदैब आफ्नो काममा बाधा नपुर्याई आफ्नो आर्शिवाद राखिरहनु हुन्छ भन्ने उहाँको विश्वास छ ।
दमक ६मा रहेको न्यु पाथीभरा वर्कशपका सञ्चालक प्रकाश सरकारको पनि त्यस्तै भनाई छ । भगवान र धर्मप्रतिको आस्था र विस्वास हुनेहरुकालागी विस्कर्मा पुजा विषेश दिन र अवसर हो ।
कलकारखानाका सञ्चालकहरुको लागी विश्वकर्मा पुजाको विशेष महत्व रहेको हुन्छ । सबै काम फलाका मेसीन तथा उपकरणको सहायताबाट गरिन्छ । जसले गर्दा असोज १ गते ती सबैको पुजा गर्नुपर्ने भएकोले बिस्वकर्मा पुजाको खास महत्व रहेको दमकको फर्निचर लाईनमा फर्निचरको व्यवसाय गरिरहनुभएका रिता फर्नीचरका सञ्चालक कनैया शर्मा बताउनु हुन्छ ।
दमक २ मा रहेको बाबा विश्वकर्मा मन्दिरका पुजारी खेम चन्द« गौतमका अनुसार यो संसारलाई आकार दिनेनै नै भगवान विश्वकर्मा रहेको बताउनु हुन्छ । यो संसारमा भएका औजार र उपकारणहरुको आकार दिने पनि उहाँ नै रहेकोले गर्दा आजको दिनमा पुजा गरे भगवानको आर्शिवाद प्रप्त हुने उहाँको बिस्वास छ । आज औजार, मेसीनरी तथा उपकरणको पुजा गर्नाले कहिल्यै बाधा नआउने उहाँले बताउनु भयो ।
विश्वकर्मा पुजाको आफ्नै महत्व छ । वर्ष भरी काम गर्ने मजदुरको लागी पनि आजको दिन खास उत्सवको रुपमा लिइन्छ ।
