काठमाण्डौ ,३ असोज । युक्रेनबाट दुई जना नेपालीको उद्धार भएको छ । युक्रेनको सीमामा हिरासतमा रहेका रौतहटका जयप्रकाश साह र बागलुङका सन्देश केसीलाई उद्धार गरेको परराष्ट्र मन्त्रालयले बताएको छ ।
जर्मनीको राजधानी बर्लिनमा रहेको नेपाली दूतावासको समन्वय एवम् सक्रियतामा उद्धार गरी शुक्रबार उनीहरूलाई नेपाल फर्काइँदैछ । उद्धार कार्यमा युक्रेनको सीमा सुरक्षा सेवा कार्यालय, गैरआवासीय नेपाली सङ्घ जर्मनी सहित विभिन्न निकाय÷व्यक्ति र सरोकारवालाहरूले सहयोग गरेका मन्त्रालयले निकालेको विज्ञप्तिमा उल्लेख गरिएको छ ।
विदेश यात्रा गर्दा सम्बन्धित देशको अध्यागमन लगायत अन्य कानूनको पूर्ण पालना गर्न मन्त्रालयले सबैलाई आग्रह गरेको छ ।
