दमक, ५ असोज । नेकपा एमालेका केन्द्रिय सदस्य दीपक कार्कीले पार्टीभित्र नेतृत्व फेर्ने कुरा अहिलेका लागि असान्दर्भिक रहेको बताउनु भएको छ । रेडियो किङ एफ एम को दैनिक प्रस्तुती कार्यक्रम सत्य संवादमा बोल्दै उहाँले पार्टिको नेतृत्वमा केपी ओलीको विकल्प खोज्नु भनेको अर्को अप्ठयारो परिस्थितीको सामना गर्नु रहेको बताउनु भएको छ ।
जेन जी आन्दोलनले सबै दलका शिर्ष नेता तथा पदाधारीका विरुद्ध चर्का नारा लगाउँदै विरोध गरे पनि त्यो जेन जी को माग नभइ स्वार्थी तथा घुसपेठ समुहको रहेको दावि गर्नु भएको छ । कसैले गलत गरेको छ भने त्यसलाई बिधि संवत कार्वाहि गरिनुपर्ने उहाँको तर्क छ ।
यस्तै उहाँले जेन जीको आन्दोलन निस्वार्थ ढंगले नभएको र यसमा गलत समुह र पक्षको हावि भएकोले यसबारेमा बु्झ्न पनि अपील गर्नु भएको छ । उहाँ भन्नु हुन्छ जेन जीको काँधमा बन्दुक राखेर चलखेल गरेर भड्काइएर देशभरीको शक्तिलाई कमजोर बनाउने खेल भएको छ । उहाँले जेन जी आन्दोलनलाई लोकतन्त्र माथीको प्रहार भनेर पनि टिप्पणी गर्नु भएको छ ।
