दमक ७ असोज | झापाको दमकमा भएको सवारी दुर्घटनामा एक महिलाको मृत्यु भएको छ।
आज बिहान करिब ९ बजे दमक–५ आम्दा रोडस्थित भित्री सडक खण्डमा मे १० प १५७१ नम्बरको मोटरसाइकलले पैदलयात्रीलाई ठक्कर दिँदा गम्भीर चोटपटक लागेर ४२ वर्षीया देवी बिकको मृत्यु भएको जिल्ला प्रहरी कार्यालय झापाले जनाएको छ।
दुर्घटनापछि घाइते बिकलाई तत्काल खरखरे आम्दा अस्पतालमा उपचारका लागि लगिएको थियो। तर बिहानै १० बजेर १० मिनेटमा चिकित्सकले मृत घोषणा गरेका थीए ।
मृतकको शवलाई पोष्टमार्टमका लागि दमक अस्पताल पठाइएको छ। मोटरसाइकल चालक मोरङ मिक्लाजुङ–६ का २३ वर्षीय निराजन बिष्टलाई नियन्त्रणमा लिइ इप्रका झिलझिलेमार्फत थप अनुसन्धान भइरहेको प्रहरीले जनाएको छ।
