काठमाण्डौ,७ असोज। जेनजी पुस्ताको प्रदर्शनका क्रममा भएका क्षतिको २२ अर्ब २५ करोड पैसठी लाख रुपैयाँ बराबर बिमा दाबी पुगेको छ । नेपाल बिमा प्राधिकरणका अनुसार बिमा दाबी सबैभन्दा बढी बागमती प्रदेशमा छ । बागमतीमा १७ अर्ब सन्तनवे करोड ७२ लाख रुपैयाँ बराबरको बिमा दाबी परेको छ ।
कूल एक हजार तीन सय तिरचालीस वटा दाबीको आवेदन परेको प्राधिकरणले बताएको छ । माइक्रो इन्स्योरेन्स कम्पनी सहित कूल १८ वटा बिमा कम्पनीमा दुई हजार चार सय अठतर वटा दाबीको आवेदन परेका प्राधिकरणले बतााएको छ ।
गएको भदौ २३ र २४ गतेको प्रदर्शनका क्रममा सरकारी तथा निजी सम्पत्तिमा आगजनी, तोडफोड लगायत घटना भएको थियो ।
प्राधिकरणले निजी सम्पत्तिमा भएको आगजनी र तोडफोडका सम्बन्धमा बिमा दाबी भएको स्पष्ट पारेको छ । ठूलो मात्रामा भौतिक सम्पत्तिको क्षति भएकाले दाबीको मात्रा अझै बढ्न सक्ने देखिएको जनाएको छ ।
