झापा, ७ असोज | झापाको बिर्तामोड नगरपालिका–७ खालबाडीमा धारिलो हतियार प्रहार गरी एक युवकको हत्या भएको छ।
जिल्ला प्रहरी कार्यालय झापाका अनुसार करिब आज बिहान ३५/३६ वर्षका फुर्बा तामाङलाई आफ्नै घरभित्र धारिलो हतियार प्रयोग गरी आज बिहानको रातीको समयमा घटनास्थलमै हत्या गरिएको हो।
घटनामा संलग्न भएको आरोपमा सोही स्थानमा बस्ने २७/२८ वर्षका प्रेम कुमार राई र ३३ वर्षीय रामकुमार राईलाई प्रहरीले नियन्त्रणमा लिएको छ।
प्रहरीले घटनामा प्रयोग भएका खुकुरी र बसिला समेत बरामद गरेको छ।
थप अनुसन्धानका लागि जिल्ला प्रहरी कार्यालयबाट प्रहरी अधिकृतको कमाण्डमा फरेन्सिक टोली खटिएको छ।
लासको सम्पूर्ण कानुनी प्रक्रिया सकाएर बिहान ९:२५ बजे पोष्टमार्टमका लागि प्रादेशिक अस्पताल भद्रपुर पठाइएको प्रहरीले जनाएको छ।
तस्बिर : ए आई
