काठमाण्डौं,७ असोज । भर्खरैको जेन–जी आन्दोलनपछि दक्षिण कोरिया, जापान र युएईले नेपाली श्रमिकहरूलाई भिसा दिन रोकेको भन्ने चर्चा सामाजिक सञ्जालमा व्यापक छ। तर यो आधिकारिक रूपमा पुष्टि भएको छैन।
वैदेशिक रोजगार विभागका निर्देशक टिकाराम ढकालका अनुसार, युएईले भिजिट भिसामा केही कडाइ गरे पनि कामदार भिसामा रोक लगाएको छैन। जापान र कोरियातर्फ पनि कुनै समस्या नरहेको उहाँले बताउनु भयो। दक्षिण कोरियाको इपिएस शाखा प्रमुख राजकुमार राईका अनुसार, इपिएस मार्फत सातामा औसत २५० जना नेपाली श्रमिक नियमित रूपमा कोरिया उडिरहेका छन्।। असोज ५ देखि ८ गतेसम्म मात्रै २६८ जना श्रमिक कोरिया जान लागेका छन्। । तर वैदेशिक रोजगार व्यवसायी संघका अनुसार, केही मुलुकले भिसा प्रक्रियामा कडाइ थालेका छन्।
महासचिव महेशकुमार बस्नेतका अनुसार, युएई, साउदी लगायत देशले नेपालमा भएको आन्दोलन र जेलबाट कैदी भागेको घटनालाई लिएर सुरक्षा चिन्ता व्यक्त गरेका छन्। । संघका सचिव कुन्छा दोर्जे दिमदोङका अनुसार, युएईले हाल भिजिट भिसा बन्द गरिसकेको छ भने कामदार भिसा पनि होल्डमा राखिएको छ।
नयाँ आवेदनहरू स्वीकृत भएका छैन्न् तर पुरानो भिसाबाट श्रमिकहरू गइरहेका छन्। । हालसम्म कुनै देशले आधिकारिक रूपमा श्रमिक भिसामा रोक लगाएको घोषणा भने गरेका छैन्न्। । वैदेशिक रोजगार विभागले नियमित रूपमा श्रम स्वीकृति दिइरहेको जनाएको छ।
