काठमाण्डौं,७ असोज । राष्ट्रियसभाका १९ सांसद आउँदो फागुनमा बिदा हुँदैछन् । २०७६ माघ ९ गते चुनिएका सांसदहरूको ६ वर्षे कार्यकाल फागुनमा सकिन लागेको हो ।
उनीहरूको कार्यावधि ०७६ फागुनबाट सुरु भएको थियो । पद रिक्त हुन ३५ दिनअगावै निर्वाचन गर्नुपर्ने व्यवस्था छ ।
उक्त व्यवस्थाअनुसार निर्वाचन हुने निर्वाचन आयोगका प्रवक्ता नारायणप्रसाद भट्टराईले बताँउनु भयो ।
को–को बिदा हुँदैछन् ?
बिदा हुने सांसदहरूमा राष्ट्रियसभा उपाध्यक्ष तथा एमाले सांसद विमला घिमिरेसहित एमालेका ८ जना छन्।। अन्य एमाले सांसदहरूमा गोपाल भट्टराई, इन्दिरादेवी गौतम, तुलसाकुमारी दहाल, देवेन्द्र दाहाल, भगवती न्यौपाने, शारदादेवी भट्ट, सुमित्रा बिसी छन्।्।
त्यस्तै, माओवादी केन्द्रका नारायणकाजी श्रेष्ठ, गोपीबहादुर सार्की, गंगाकुमारी बेलबासे, जगप्रसाद शर्मा, तारामान स्वाँर, मायाप्रसाद शर्मा, राधेश्याम पासवान गरी ७ जना सांसद बिदा हुँदैछन्।्।
एकीकृत समाजवादीका बेदुराम भुसाल र राष्ट्रपति मनोनीत सांसद वामदेव गौतमको कार्यकाल पनि सकिँदैछ। गौतम अहिले एकीकृत समाजवादीका वरिष्ठ नेता हुन्। लोसपाका शेखरकुमार सिंह र जसपाका मृगेन्द्रकुमार सिंह यादव पनि बिदा हुने सूचीमा छन्।
२०७६ को निर्वाचनमा तत्कालीन नेकपा र राजपाबीचको गठबन्धनका कारण कांग्रेस शून्य बनेकोले यसपटक कांग्रेसका कुनै सांसद बिदा हुने छैनन्।्।
राष्ट्रियसभामा कुन दलका कति ?
हाल ५९ सदस्यीय राष्ट्रियसभामा माओवादी केन्द्रको १७ सांसदसहित बहुमत छ। कांग्रेससँग १६, एमालेसँग ११, एकीकृत समाजवादीसँग ८, जसपासँग ३, जनमोर्चा, लोसपा र राष्ट्रपतिको कोटाबाट १र १ सिट छन्। निर्वाचनमा गठबन्धन हुने वा नहुने अझै टुंगो लाग्न बाँकी छ। राष्ट्रियसभा सदस्य चयनमा प्रदेशसभा सदस्य, पालिका प्रमुखरउपप्रमुख मतदाता हुने व्यवस्था छ।
